Popular Bible Verses from EKSODAS 2

Share

Go Sup̃e e dogo nagigiana adeada, go Sup̃e e midoa ki navasasokiana aneana paki Abraham, paki Isaak, go paki Yakob. Go Sup̃e e punusi Israel natuna maga, go Sup̃e e dodomi atae ra.

Go e pakilina te ragi ni naaleatia laapa wanogoe, naga nawota ni Ityipt e mate: go Israel natuna maga eu marousu nalakena nawosiana, go eu kua pioso, go nakuapioso‐ana adeada e sake umai paki Sup̃e nalakena nawosiana.

Go piakiki wanogoe e atum̃aki, go e piragi a umai punusi Faraoh natuna nagoroi, go e po pei natuna. Go e soso nagisana ki Moses, po naga, Nalakena a puati lua e m̃elu dua ki noai.

Go Faraoh natuna nagoroi e noa ki nia, e naga, P̃a tape lua piakiki waia, po maginau pakasusu ki nia, go kinau aga wo dua ko namoriana anigo. Go nagoroi wanogoe e dape piakiki wanogoe, po pakasusu ki nia.

Go Faraoh natuna nagoroi e siwo umai naga ega loloso noai sara; go nagoroi atara aneana maga eu surata pae nadigi ni noai sara; go e punusi areka wanogoe e doko m̃aleoputo ni suf, go e dip̃aki lua nagoroi suasua aneana naga ega tape a umai.

Go e pakilina te ragi ni naaleatia maga wanogoe, ragi waina Moses e p̃arua sua, naga e dave pano punusi taina maga, po leo punusi natapetapeana adeada maga: go e punusi naatam̃oli sikai ni Ityipt e atugi naatam̃oli sikai ni naworawora ni Heberu, tea sikai kaka ni taina maga. Go e leo piliali, go e punusi naga naatam̃oli p̃ota e dika, go e atugi naatam̃oli ni Ityipt wanogoe, po dasuru ki nia naworaone.