Popular Bible Verses from JAKOBOSE 2

Share

Agaa, tumelo le yona e ka mokgwa woo – ge e se na mediro ke setšha e hwile.

Ka gona, bjalo ka ge mmele o hwile ge o se na moya, le tumelo ge e se na mediro e hwile.

Banabešo, go thušang ge motho a re o na le tumelo eupša a sa bontšhe seo ka mediro? Na tumelo ya gagwe e ka mo phološa?

A ke re o dumela gore Modimo ke o tee fela? Agaa, seo ke se bademone le bona ba se dumelago, mme ba a thothomela.

Eupša yo mongwe motho a ka no re: “Wena o na le tumelo, nna ke na le mediro.” Gomme yoo ke tla mo fetola ka go re: “Mpontšhe gore motho a ka ba le tumelo bjang a se na mediro, mme nna ka mediro ya ka ke tla go bontšha tumelo ya ka.”

Gobane Modimo a ka se be le kgaugelo ge a ahlola yo a sego a ka a ba le kgaugelo; eupša yo a bilego le kgaugelo ga a tšhabe kahlolo ya Modimo.

Bjale a ke re le a bona gore motho o lokafatšwa ka mediro ya gagwe, e sego fela ka tumelo?

Ke mo go bonagalago gore medirong ya gagwe go be go šoma tumelo, mme mediro ya gagwe e dira gore tumelo ya gagwe e be ye e feletšego.