Popular Bible Verses from JAKOBOSE 3

Share

Ge e le bohlale bjo bo tšwago go Modimo, sa pele bo hlwekile, sa bobedi bo nyaka khutšo, bo lokile, le gona ga bo na manganga; bo tletše lešoko le mediro ye mebotse; ga bo ne tshele le boikaketši.

Na yo bohlale wa tlhaologanyo mo gare ga lena o gona? A a ipontšhe ka boitshwaro bjo bobotse le ka mediro ye a e dirago ka boleta le bohlale.

Badirakhutšo, ka go leka go boelanya batho, ba dira se se nyakwago ke Modimo.

Moo go nago le mona le bojato ke moo go nago le meferefere le bobe bja mehutahuta.

Ka lona re reta Morena e lego yena Tatagorena, ebile ka lona re roga bangwekarena ba ba bopilwego go swantšhwa ka Modimo. Molomong o tee go tšwa direto, go be go tšwe maroga. Banabešo, ga se tshwanelo gore go be bjalo.

Gomme leleme le swana le mollo. Ke legohle la bokgopo le le dutšego mo mmeleng wa rena mme le phatlalatša bobe mothong ka moka. Le tšhuma bophelo bja rena ka mollo wa hele.

Ge e le leleme lona ga go motho yo a kgonago go le tlwaetša. Ke lešaedi le le padilego, le tletše mpholo wa go bolaya.

Banabešo, le se ke la ba baruti ka bontši, ka ge le tseba gore rena baruti re tla sekišwa gasehlogo go feta ba bangwe.