Popular Bible Verses from JAKOBOSE 1

Share

Banabešo, le itsheme ba lehlogonolo kudu ge le tlelwa ke meleko ya mehutahuta, gobane le a tseba gore go lekwa tumelo ga lena go le tlišetša kgotlelelo.

Eupša ge mo gare ga lena go ka ba le yo a hlokago bohlale, a bo kgopele go Modimo, gomme Modimo o tla mo fa bjona, ka gobane yena o fa bohle ka go se timane le ka go se balabale.

Banabešo ba ba rategago, taba ye le swanetšego go e tseba ke gore motho a hlaganele go kwa, eupša a diege go bolela, a diege le go galefa.

Tšwelang pele le kgotlelele, ke mo le tlago ba ba ba feletšego, ba ba se nago bosodi le ba ba sa hlokego selo.

Le se iphore ka go theeletša fela Ebangedi, eupša le dire ka mo e laelago ka gona.

Wa lehlogonolo ke yo a kgonago go kgotlelela ge a lekwa, gobane ge a ile a fenya meleko yeo o tla putswa ka bophelo bjo Modimo a bo holofeditšego bao ba mo ratago.

Mpho ye nngwe le ye nngwe ye botse le neo ye nngwe le ye nngwe ya mmakgonthe di tšwa legodimong go Radietša yo a sa fetogego, yo seetša sa gagwe se sa fokotšegego.

Yo e lego motheeletši fela wa Ebangedi a sa dire ka mo e laelago ka gona, o swana le motho yo a rego go ipona sefahlego ka seiponeng, a itebelele gabotse, mme ge a tloga a be a šetše a lebetše gore ke yena yo mobjang.

Bodumedi bjo Modimo Tate a bonago bo hlwekile mme e le bja nnete šebo: ke go hlokomela ditšhiwana le bahlologadi matshwenyegong a bona, le go itota gore motho a se tšhilafatšwe ke tša lefase.

Motho ge a tlelwa ke meleko a se ke a re: “Ke lekwa ke Modimo.” Gobane Modimo a ka se lekwe ke bobe, le yena mong ga a leke motho. Motho yo mongwe le yo mongwe o a lekwa ge a goketšwa mme a gogwa ke tumo ya gagwe ye mpe.

Mokriste wa mmotlana a thabe ge Modimo a mo godiša.