Popular Bible Verses from JESAYA 44

Share

“Naga ye e omilego ke tla e tšhollela meetse, ka neša pula tša matlorotloro nageng ye e nyorilwego. Bana ba lena ke tla ba tšhela moya wa ka, ditlogolo tša lena ka di šegofatša kudu.

Morena, Kgoši ya Baisraele, Mohlakodiši wa bona, yena Morena Ramaatlaohle, o re: “Ke nna Mathomo, ebile ke nna Mafelelo, ga go modimo ka ntle le nna.

Ke fedišitše bokgopo bja lena bjalo ka kgodi, le dibe tša lena bjalo ka leru. Boelang go nna ka gobane ke nna ke le phološitšego.”

Setšhaba sa ka, le se ke la boifa la gakanega! Le a tseba gore go tloga kgalekgale ke boletše tšohle tše di bego di tlilo direga, gomme lena le dihlatse tša ka. Na go na le Modimo wo mongwe? Ruri, ga o gona modingwana wo mongwe wo maatla wo ke o tsebago.”

Ke nna Morena yo ke le bopilego, yo ke le hlodilego; ke le thušitše go tloga mola le tswalwa. Le se boife, le bahlanka ba ka. Le setšhaba se se lokilego, se ke se kgethilego.