Popular Bible Verses from JESAYA 45

Share

Ke tla go fa matlotlo a a tšwago mafelong a leswiswi, le mahumo a a fihlilwego; ke gona o tlago tseba gore ke nna Morena, le gore Modimo wa Israele o go bitša ka leina.

“Nna ka noši ke tla go lokišetša tsela, ka lekanetša meboto. Ke tla robaganya dikgoro tša mphiri, ka pšhatlaganya le maphika a tšona a tshipi.

“Ke nna Morena – ga go Modimo wo mongwe. Ke tla go tiiša, le ge o sa ntsebe. Seo ke se direla gore go tloga bohlabatšatši go fihlela bodikela batho ka moka ba tsebe gore Morena ke nna, le gore ga go Modimo wo mongwe.

Ke nna ke dirago seetša, gape ke hlolago leswiswi; ke nna ke tlišago tšhegofatšo, ka hlola le masetlapelo. Ke nna Morena ke dirago dilo tše ka moka.

“Retologelang go nna le phološwe, lena batho ba lefase lohle! Ke nna fela Modimo yo a lego gona.

Morena o beile Korese kgoši, a ba a mmea mofenyi wa ditšhaba le wa go amoga dikgoši maatla; Morena o tla mmulela dikgoro tša metse – di ka se dule di tswaletšwe. Morena o botša Korese yo o re

Se ke le holofetšago sona ka keno ke therešo, gomme se ka se fetoge. Ke a ikana ke re: Batho ka moka ba tla tla ba khunama pele ga ka, ba ikana gore ba tla mpotegela.

Ke go bea mothuši wa Baisraele, bahlanka ba ka, e lego setšhaba se ke se kgethilego. Ke go bitša ka maina a a hlomphegago, etšwe o sa ntsebe.