Popular Bible Verses from JESAYA 42

Share

“Nna, Morena, ke go biditše go ya ka toka, ka go fa maatla, ka go šireletša. Ka wena ke tla dira kgwerano le ditšhaba, ka tlišetša batho seetša. O tla budulla difofu mahlo, wa lokolla dibofša dikgolegong tša leswiswi.

“Ke nna fela ke lego Morena Modimo wa gago. Ga go modingwana yo mongwe yo nkago mo fa letago la ka; le go tumišwa ga ka nka se go fe medimo ya diswantšho.

Morena o re: “Bonang mohlanka wa ka yo ke mo tiišago, mokgethiwa wa ka yo a nkgahlago. Ke mo tladitše moya wa ka, gomme o tla begela ditšhaba maikemišetšo a ka.

Lehlaka le le thokgegilego a ka se le robele sa ruri, goba a tima lebone le le tukago gannyane. O tla tliša toka ya go ya go ile. A ka se lape goba a nolega moko, go fihlela a hlomile toka lefaseng. Dinaga tša kgole di letetše go rutwa ke yena.”

“Ke tla hlahla difofu tša ka ditseleng tše ba sa di tsebego, ka ba sepediša mebileng ye ba sego ba ka ba sepela go yona. Ke tla fetoša leswiswi le ba lego go lona seetša, gomme ka ba lekaneletša naga ya makukuno. Tšeo ke tše ke le holofetšago tšona, gomme ke tla di phetha.

Tše ke boletšego pele gore di tla hlaga, šedi di phethegile. Bjale ke tla le botša tše difsa le pele di thoma go direga.”