Popular Bible Verses from JESAYA 41

Share

Le se ke la boifa – ke na le lena! Le se ke la lealea – ke nna Modimo wa lena! Ke a le tiiša, ke a le thuša, ke a le šireletša, ke le hlakodiša ka maatla a ka.

Gobane nna, Morena Modimo wa lena, ke a le tiiša, ke le hlahla ka letsogo ke re: ‘Se boifeng, ke a le thuša.’ ”

“Ba ba le galefetšego ba tla gobošwa ba lewa ke dihlong, ba fetoga lefeela. Ba ba lwago le lena ba tla hwa.

Ke le tšere magomong a lefase, ke le biditše le le dikhutlong tša kgolekgole, ka re go lena: ‘Le bahlanka ba ka.’ Ga se ka le nyatša, eupša ke le kgethile.

Ge le ba nyaka le ka se ba bone, ka gore ba tla be ba ile. Manaba a lena a tla fela.

Morena o re: “Le se ke la boifa, lena setšhabana se se fokolago sa Israele, ke a le thuša. Nna, Modimo yo mokgethwa wa Israele, ke Mohlakodiši wa lena.

“Eupša lena Baisraele, bahlanka ba ka, bana ba Jakobo, ke lena setšhaba se ke se kgethilego, ditlogolo tša Abrahama, mogwera wa ka.

Ke tla phula dinoka mebotong ye e sa melego selo, le methopo melaleng. Ke tla fetoša leganata megobe, mme naga ye e omilego ya ba methopo ya meetse.

“Setšhaba sa ka se a hlaka, se a diila, se nyaka meetse eupša ga a gona; ba omile megolo ka lenyora. Nna, Morena, ke tla ba fa tše ba di kgopelago. Nna, Modimo wa Israele, nka se ba lahle.

Ke mang yo a dirilego gore tše di hlage? Ke mang yo a hlodilego ditšhaba kgale? Ke nna, Morena – ke nna Mathomo, ebile ke nna Mafelelo.

Ke tla mediša mesedere leganateng, le megohlo le memirte le mehlware. Ke tla bjala mehlare ye mentši nageng ye e omilego – mephaene ya mehutahuta le mesaeprese. Ke tla dira dilo tše gore batho ba di bone ba di tsebe mme ba gopodišiše gore di dirilwe ke nna, Morena. Ba tla kwešiša gore Modimo yo mokgethwa wa Israele ke yena a dirilego dilo tše.”