Popular Bible Verses from Rom Tɩŋŋaa 4

Share

Wɩa sɩ bʋl ŋɩɩ pʋ, ʋ bɩ ŋɩɩ ʋ sɩ laa Wɩa dii lɛ begili. Ʋ laa Wɩa dii nɛ a kɛŋ doluŋ, a leŋ Wɩa yɩrɩŋ yɩra. Ʋ paala chaasa laa Wɩa dii nɛ woruŋ arɩ Wɩa kɛŋ doluŋ dɩ ʋ ŋaa wɩɩ-la ʋ sɩ sɩ ʋ jaŋ ŋaa.

Ba fa ŋmʋnsɛ ŋɩɩ nɛ Wɩa teniŋ tʋɔŋ. Wɩa bʋla a tɩgɛ Abɩraham lɛ, “Mɩ leŋe ŋ ŋaa tintee daŋ nyɩmma nɛ.” Wɩa sɩpaaŋ Abɩraham nɛ ŋaa la nyɩmma. Wɩa-la sɩ wuo leŋ kɩalɩŋ kala sɩ sʋba, dɩ ba sii sʋʋŋ lɛ a kɛŋ mɩɩsɩŋ, aŋ bɩra wuo dagɛ wɩalɩŋ sɩ jaŋ ŋaa aŋ ha bɩ ŋaa, Wɩa deeŋ nɛ Abɩraham laa dii.

bɛɛ wɩaa ʋ leŋe Yesu sʋʋ a tɩŋ la wʋbɔŋŋɔɔ wɩaa nɛ, a bɩra leŋ ʋ sii sʋʋŋ lɛ dɩ la kɛŋ tʋɔpʋla ʋ sɩpaaŋ.

Wɩa fa bʋla pɩ Abɩraham arɩ ʋ jaŋ kʋ ŋaa tintee daŋ nyɩmma. Wɩɩ tuo fa sɩ jaŋ leŋ dɩ Abɩraham yɩyɩɛlɛ wɩɩŋ deeŋ, aŋ ka ʋ vɩa aŋ ha yɩɛlɛ. Ŋɩɩ wɩaa ʋ sɛnɛ kʋ ŋaa tintee daŋ nyɩmma arɩ Wɩa fa sɩ bʋl ŋɩɩ pʋ. Wɩa fa bʋla pʋ dɩ ʋ doho nɩaa jaŋ yʋgɛ a nagɛ chɛnwʋlaa.

Ŋɩɩ wɩaa, nii-la Wɩa sɩ hɛ, nɩalɩŋ sɩ laa Wɩa dii nɛ jaŋ naʋ. Ʋ ŋaa zile kʋŋ nɛ a pɩ Abɩraham doho nɩaa kala. Ʋ bɩ naga arɩ ʋ joŋo pɩ nɩalɩŋ sɩɩ to wɩalɩŋ Mosis sɩ bile dʋndʋŋa nɛ, ama ba dɩ nɩalɩŋ kala sɩ laa Wɩa dii a nagɛ Abɩraham fa sɩ laa Wɩa dii ŋɩɩ, ba kala nɛ ʋ joŋo pa nɩalɩŋ sɩ keri ba penee arɩ nɩalɩŋ sɩ bɩ ba penee kere kala, bɛɛ wɩaa Abɩraham nɛ ŋaa la kala nyɩmma Wɩa sɩpaaŋ.

Ŋ-la nɛ Devit bʋl: “Nɩalɩŋ wʋbɔŋŋɔɔ Wɩa sɩ joŋo chɛba a kɛŋ ba wʋbɔŋŋɔɔ faa, ba tʋɔŋ jaŋ tɔrɛ. Nɩɩ-la ma Wɩa sɩ bɩ ʋ wʋbɔŋŋɔɔ ka beŋ, ʋ ma tɩɩna tʋɔŋ jaŋ tɔrɛ.”

Wɩa teniŋ tʋɔŋ ba bʋla arɩ Abɩraham laa Wɩa dii nɛ. Ʋ sɩ laa Wɩa dii nɛ tɩɩ Wɩa leŋ ʋ kɛŋ tʋɔpʋla ʋ sɩpaaŋ.