Popular Bible Verses from Rom Tɩŋŋaa 5

Share

Ama ŋɩɩ Wɩa sɩ daga arɩ ʋ chola nɛ ŋ-la: Bʋa-la lɛ la ha sɩ ŋaa wʋbɔŋ ŋaaraa nɛ Kirisito sʋʋ la wɩaa.

La sɩ kɛŋ yɩɛlaa ŋɩɩ, la bɩ jaŋ kɔ dɩ la dii hɩɩsɩŋ, bɛɛ wɩaa Wɩa chola nɛ kɩŋkɛŋ. Ʋ joŋ chono-la a hɛ la tʋɔŋ lɛ nɛ. Ʋ ŋaa ŋɩɩ ʋ Dɩŋ-zɔmʋŋ ʋ sɩ joŋo pɩla doluŋ lɛ nɛ.

Ŋɩɩ ma dʋndʋŋa dee, la haa jʋɔsɛ nɛ arɩ hɛɛ-la kala la ha sɩɩ na a tɩŋ Kirisito wɩaa, bɛɛ wɩaa hɛɛ-la jaŋ leŋ dɩ la wuo kɛŋ kenyiri. Dɩ la nɛ kɛŋ kenyiri, ʋ jaŋ wuo leŋ dɩ la kɛŋ mɛlɛ. Dɩ la nɛ kɛŋ mɛlɛ, la jaŋ kɛŋ yɩɛlaa.

Ŋɩɩ wɩaa, la sɩ laa Wɩa dii ŋɩɩ, Wɩa leŋe la ŋaa tʋɔpʋl tɩmma nɛ ʋ sɩpaaŋ. Wɩa to La Tɩɩna Yesu Kirisito lɛ nɛ a leŋ la ŋaa sɩma. La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

Bʋa-la lɛ la fa sɩ bɩ doluŋ kɛnɛ dɩ la wuo pɛ la tɩtɩa lɛ, Kirisito laa la wʋbɔŋ ŋaaraa nyuŋ sʋʋ nɛ.

Kirisito sɩ sʋʋ ŋɩɩ a leŋ la kɛŋ tʋɔpʋla ʋ teeŋ, ŋɩɩ-na ʋ jaŋ bɩra laala ta tapʋlɩɩ-la Wɩa sɩ jaŋ na baanɩŋ dʋnɩa nɩaa nyuŋ.

Nɩbala sɩ vɩa Wɩa niiŋ nɛ leŋe nɩ-daŋ ŋaa wʋbɔŋ ŋaaraa. Ŋɩɩ tɩtɩa nɛ nɩbala sɩ to Wɩa niiŋ nɛ wuo ŋaa nɩaa yʋgɛ a kɛŋ tʋɔpʋla Wɩa sɩpaaŋ.

Ŋɩɩ ma dʋndʋŋa dee, laa jʋɔsʋ nɛ a tɩŋ Wɩa sɩ to La Tɩɩna Yesu Kirisito lɛ a leŋ la ŋaa sɩma.