Popular Bible Verses from JOSUA 6

Share

Ŋɩɩ nɛ La TƖƖNA bʋla pɩ Josua, “Bee na, mɩ joŋ Jeriko arɩ ʋ kuoro arɩ ʋ laalɩyuoroo kala a hɛ ŋ nɩsɩŋ lɛ nɛ.

Dɩ ma nɛ nɩa dɩ ba faasa ŋmʋʋ nyilli-la, ma nɩalɩŋ kala maga dɩ ma faasa ŋaa goŋ nɛ. Dɩ ma nɛ ŋaa ŋɩɩ, jebii-la sɩ golli Jeriko jaŋ tel, ka dɩ ma laalɩyuoroo kala wuo jʋʋ taŋ-la tʋɔŋ.”

Tapʋlɩɩ na-kala, ŋ dɩ ŋ laalɩyuoro-la sɩ vɔɔ tʋɔnʋŋ, má sii a kɩɛlɛ a vɛnɛ golli taŋ-la bala. Má ŋaa ŋɩɩ tapʋlaa balɩdʋ.

Leŋ dɩ Wɩɩsʋllɩ sɩpaalaaraa nɩaa balɩpɛ paa pie-bel nyilliŋ a laa Wɩa niiriŋ daga-la sɩpaaŋ. Tapʋl-pɛɩ chɛɛŋ, má kɩɛlɛ a vɛnɛ golli taŋ-la naansɩɩŋ bʋlɩpɛ, ka dɩ Wɩɩsʋllɩ sɩpaalaaraa ŋmʋŋmʋʋ nyilli-la.

Bʋa-la lɛ ba fa tɔ boi-baala-la kala ba sɩ to jʋjʋʋ Jeriko nɛ kpaŋ kpaŋ, a tɩŋ Iziral tɩŋŋaa wɩaa. Nʋʋ bɩ taŋ-la lɛ wuo lɩɩ, nʋʋ ma bɩ wuo jʋʋ.

Ba fa sɩɩ golli ŋɩɩ pɛɛmɩŋ lɛ, Wɩɩsʋllɩ sɩpaalaaraa faasa ŋmʋʋ nyilli-la, ŋɩɩ nɛ Josua bʋla pɩ nɩalɩŋ, “Má faasa ŋaa goŋ, bɛɛ wɩaa La TƖƖNA joŋ taŋ-la a hɛ ma nɩsɩŋ lɛ nɛ.

Ʋ maga dɩ ma chei taŋ-la arɩ kɩalɩŋ kala sɩ hɛ ʋ lɛ, ba ŋaa La TƖƖNA kɩaa nɛ. Rahab, hachɔrʋŋ-la arɩ ʋ dɩa nɩaa dʋndʋŋa nɛ jaŋ ka, bɛɛ wɩaa ʋ nɛ kɛŋ baala-la la sɩ tɩma ba mʋ lʋara beŋ tintee-la a faa.