Popular Bible Verses from Galiisia Nɩaa 4

Share

A tɩŋ la sɩ ŋaa Wɩa biiriŋ nɛ tɩɩ ʋ joŋ ʋ Bie Dɩŋ-zɔmʋŋ hɛ la lɛ. Dɩŋ-zɔŋ-la sɩ hɛ la tʋɔŋ, ʋ yie ŋaa la kɛŋ Wɩa kaa yɩrɛ “La Nyɩmma.” Ŋɩɩ wɩaa ma kʋŋkala bɩra bɩ yoŋ ŋaa. Ma ŋaa Wɩa biiriŋ nɛ. Ma saa sɩ ŋaa ʋ biiriŋ ŋɩɩ, Wɩa jaŋ leŋ dɩ ma dii ʋ dʋa.

Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ, dɩ ʋ wuo laa nɩalɩŋ fa sɩɩ to Juu tɩŋŋaa wombii-la a ta, dɩ ba dɩ la kala wuo ŋaa Wɩa biiriŋ.

Ama lɛɛlɛ ma sɩ jɩŋ Wɩa ŋɩɩ, koo mɩ jaŋ bʋl Wɩa sɩ jɩmma ŋɩɩ, bɛɛ nɛ saa tɩɩ ma cho dɩ ma mɩɩrɛ harɩŋ a mʋ tuto dʋnɩa wʋkɛnɛɛ, wɩalɩŋ sɩ bɩ doluŋ kɛnɛ dɩ ba laama ta? Bɛɛ nɛ tɩɩ ma saa cho dɩ ma bɩra tutoba a bɩrɩmɛ ba yosuŋ?