Popular Bible Verses from Galiisia Nɩaa 3

Share

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

Lɛɛlɛ, la bɩra bɩ nɩaa kaa pʋpɔrɛ. Dɩ ŋ ŋaa Juu tɩɩna koo dɩ ŋ bɩ ŋaa, dɩ ŋ ŋaa yoŋ koo dɩ ŋ tɩɩ ŋ tɩtɩa, dɩ ŋ ŋaa haal koo baal, ma kala ŋaa kʋbala nɛ Kirisito Yesu teeŋ.

Dɩ ma dɩ Kirisito nɛ ŋaa kʋbala, ŋɩɩ-na ma ŋaa Abɩraham doho nɩaa nɛ. Wɩa sɩ sɩ ʋ jaŋ ŋaa wɩɩ-la a pɩ Abɩraham, ʋ jaŋ ŋaa pɩ ma ma.

Kirisito ŋaa wɩɩŋ deeŋ pɩ nɩalɩŋ sɩ bɩ Juu tɩŋŋaa ŋaa dɩ ba wuo to ʋ lɛ a na pɛnɛ-la Wɩa sɩ hɛ niiŋ pɩ Abɩraham arɩ ʋ jaŋ joŋo pɩba. Dɩ la nɛ laa Kirisito wɩaa dii, ʋ Dɩŋ-zɔŋ-la ʋ sɩ hɛ niiŋ arɩ ʋ jaŋ joŋo pɩla, la jaŋ wuo laa.

Ama lɛɛlɛ Wɩa chaasa dagɛ arɩ nɩɩ-la kala sɩɩ to wɩalɩŋ Mosis sɩ ŋmʋnsa bil bɩ jaŋ wuo kɛŋ tʋɔpʋla ʋ sɩpaaŋ, bɛɛ wɩaa Wɩa teniŋ tʋɔŋ ba bʋla, “Tʋɔpʋl tɩŋŋaa jaŋ kɛŋ mɩɩsɩŋ a tɩŋ ba sɩ laa Wɩa dii.”