Popular Bible Verses from Romapụ 3

Share

tomoni mamgba si mịẹsam, se Tamụnọ Ḅe ḍụaḅọrọma mị ḅụ opuma sasamẹ. Ọkụma Tamụnọ Ḅe se papa ḍie wa pịrị ḍikiḅụgerere mị ḅụ, inimgba Jizọs Kraịst Ḅe ḅụ ḅọrọ ori na karakarasam, anị ini finma ḅọ ḅe.

Tamụnọ Ḅe tomoni mịẹse iniḅo karakaramẹ ini Jizọs Kraịst Ḅe ḅụ nyana ḅereni mị gose. Tamụnọ Ḅe mịn mị nwọse Kraịst Ḅe ḅereni apụ mamgba nwọ pịrịmẹ, anịatịḅị kịrịye ngịsị ofori-ẹ

Tamụnọ Ḅe ò se pịrịpakụmamẹ mịẹse oria ḅụse agbamịẹ fị mị ḅụ ọ̀ ḅọrọ tomoni mịẹ sima ḅụ ḅarasin ini pịrịḅịa ḅọ nwọ sọḅịa ọkụ, ini ọ̀ ḅụ nyanaḅịa ḅereni mị ḅụ. Tamụnọ Ḅe mịn mị nwọ mịẹmẹ oria karakara mị nwọ ḍiepakụmaḅịa ẹrẹchị. Ḅọrọsa sịkị mị ḅụ ori inema se, tomoni mịẹ sima ḍikitọrụsinmẹ. Ọkụma mịọkụ, tomoni mịẹ sima ọ̀ ḅarị ọkọ se àrị ḍikitọrụsinkẹ se oria karakara mị nwọ ḍiepakụmaḅịa ẹrẹchị. Mịn ḅara mị ḅụ Tamụnọ Ḅe ọ̀ ḅụ ḍiepakụmaḅịa na ọ̀ karakaramẹ, na ọ̀ pịkị Jizọs Ḅe ḅereniḅọ goyegoye mịẹse iniḅọ karakaraḅọ sọsọmẹ.

Anịatịḅị Tamụnọ Ḅe tọrụkuḅu ini karakaraḅọ ḅara se kịẹnma ḅọ ofori-ẹ, Oloko mị ḅiye nwọ mịẹ ḅụ. Oloko mị mịẹarịye anị mịẹse tomoniḅọ ḅe nemi, na ò si mịẹsam.

Fịafịaḍiri ma ḍuko ọkụ mị ḅụ: “Karakara gbọrịḅọ sọ ofori-ẹ, ye kaịnḅo gbọrịḅọ sọ ofori-ẹ, anịkanịka Tamụnọ Ḅe tẹkẹarị gbọrịḅọ sọ ofori-ẹ. Tomoni mamgba Tamụnọ Ḅe ḅụ vinpịkị sosam; inimgba nwẹngị irimasam gbọrịḅọ sọnị karakaraye mịẹkẹ, gbọrịḅọ kẹngẹ sọnị.

Anịatịḅị wa ḍukopẹlẹmẹ na ini tomoniḅọ mịẹse ò ḅo Tamụnọ na karakara mị ḅereni kẹngẹ ḅụ-ẹ, iniḅọ Oloko mị ḍukoye mịẹmẹ nwọ ḅẹye gosekẹ.

Pikipikiye ofori-ẹ na ọkọkẹ! Tamụnọ Ḅe kọkọmaye ḍuko ḅọ-ẹ, ḅẹḅọ ḅẹḅọ iruo ḅọ-ẹ nwọ ḅẹ sọnị. Fịafịaḍiri mị ḍuko ḅara ḅụ, “Ị́ karakaramẹ anị nwọ ḍiepakụmaḅịa ị́ ọkwẹịn sịkị; ị́ ḅẹrẹiḅi ọkịḅịa ini ḅẹrẹkọn ị́ pịrịḅịa sịkị.”