Popular Bible Verses from Romapụ 2

Share

Ọkụma ị́rị́, ị̀ nikio ḅe na mịnaḅụ na mayema nwọ mịẹ-aḅẹ, ị́ gose ḅẹrẹsi pẹlẹ jịn apụ pịrịarịye ma! Ị́ koroma ḅara Tamụnọ ḅẹrẹkọn mị ị́ gbarị ḅe? Anịkanịka, sosi ị́ oria opu iḅimịẹ mị nwọ ḍikisimamẹ, oria yeḍikitọrụsin mị na ye inema mị na. Pikipikiye ofori-ẹ, ị́ nemimẹ na Tamụnọ Ḅe ori iḅi mịẹmịẹmẹ; anịatịḅị ò ḅimẹ ọ̀ ḅụkụrọma ị́ mịẹse ị́ siḅụ vinpịkị.

Ị̀ya ikiaḅọ, ị́rị́ ị́ ḅẹrẹkọn jịn apụ pịrịpịrị? Ị́ ngịsị ḅụḍụaye nyanakẹ, ị́ la-ọkụ la-ọkụ sọnị. Anịatịḅị ị́ ḅẹrẹkọn jịn apụ pịrị se ini mịẹ gbọrịye ma nwọ mịẹarị sịkị, ị́ ḅẹrẹsi pẹlẹ ị́ ḅụ pịrịsam.

Anịatịḅị Tamụnọ Ḅe gbọrị ḅara nwọse ḅẹrẹkọn ḅọḅọ nwọ pịrịḅịa tọrụḍikika ḅụ.

Anịatịḅị Oloko mị nwọ na mị ḅụ tomoni ḅọrọ Tamụnọ Ḅe na karakara ḅụ simekẹ, ọkụma Oloko mị tọnye mị nwọ mịẹ mị ḅụ-ẹ.

Anịatịḅị Tamụnọ Ḅe ọ̀ gbẹịnye se tomoniḅọ goyegoye nwọ pịrịḅịa iniḅọ mịẹye sime ḅara ḅụ.

Ísí-a tomonima ngẹrịfị ḍọkịapụ-ẹ, se karakaraye mị sịkịmẹ, kurakaye mị nwọ ḍukonwẹngịaḅẹ, inia ọgọnọ Tamụnọ Ḅe ḅẹrẹḅuosọ ḅụ oria opu ịganị se saraḅịa.

Ọkụma ị́ kụrọ kuḅiemgbọlụ nyanamẹ pịkị ininachịnmẹ. Anịọkụma, ị́ mịẹ-aḅẹ ị́ya fomuḅara mị ḍụḅatẹịn Tamụnọ Ḅe oria ịganị na karakara ḅẹrẹkọn ene mị nwọ ḍieḅelemaḅịa sịkị.