Popular Bible Verses from Anikorasi 3

Share

Waa sị ẹngụụ jị ọọ yị ẹngụ nịnị. Wàa mẹ ẹngụ ịrẹyị, waa vaa gu ẹngụ nịnị. Waa vaa gu ẹngụ nịnị anka Íkirisiti mẹ̀ vagu wu nịnị.

Waa sị avaba ayị awụ nịnịị tụ́ ịnị ịsa ẹbẹẹba; asị ụ sị ayị awụ nịnị tụ́ ịnị ịsa ẹhẹ ọnọnị.

Avaba ịsị ụ wàa mẹ, waa sị ayị ọnyara mẹẹ anka ọza ana aa mẹ ụkọrọọ yị Ananyị yị! Asị ụ mẹ̀ ẹ anka ọza ana aa mẹ ụkọrọọ yị ọza kẹnẹ.

Ohomorihi ọ sị wụ nịnị nyị mẹ aza anị; óo sì ịrẹyị awụ nịnị. Agụvị avọọ waa mẹ̀ ebira ana vọrọ tụra ọza Ohomorihi nịnị! Wee roo yị ẹngụ, dị waa ngụ ayị ẹngụ nịnị. Kà ẹngụ awụ nịnị chí, nyị ebira hẹẹ ọnịrị ayọnẹtẹ nịnị.

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị. Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ịsị e hu keekere ọ vị ka wee sì ịrẹyị ẹngụ nịnị. Ịrẹyị ẹngụ oyisì ọ kụ́ avaba ebira ẹnẹẹ gẹ nị. Ọnị ọ zụ mẹ ka ọza ọ̀ gụ nị.

Wáa yẹ nịnị ka a sị ẹwụrị Ijeesu ha hụụnị isu nịnị. Agụvị avọọ waa sị eyii tụ́ ịnị ịsa ana yà ẹbẹẹba, ịzị Ikirisiti yaayịtẹ éyi ụvọrị Ohomorihi.

Navọ ẹngwọọrọ oni Ikirisiti sịị̄ yị ọza ọ̀ọ sị oze zụ̀ ayị awụ nịnị, agụvị ka Ohomorihi ọ sị wụ nịnị hị́ ka wa vị ọnya nịnị ịnị ẹngwọọrọ ọnọọ. Waa kụ́ Ohomorihi avọ nịnị ịnị avaba ụmẹ.

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Wê wusu nịnị. A raà sị ụhwẹ awụ nịnị tẹ ị́dị Ikirisiti ana yà ịdị Ohomorihi.

Ama booro aanị, áa nyị ka wa sị ụvọ hụụnị avaba ebira edivi ẹnẹnị, ẹhụụ ọyịkụ ọnịrị ayọngụra beri ayamịkụ. Asị ụ zẹẹ ka ụhụ ọnịrị ịrẹyị ịdọtị ọ̀ kụkụ jịnẹ hụụnị irenu awụ vẹ!

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ, ebira ọwọọwa ụ kụkụ nyị nịnị nị. Ohomorihi ọ vara wụ nịnị ọza ọwọọwa nị. Dị ee yii tenyi ebira awụ nịnị ọnọọ, agụvị dị ò zụ véné ebira Ikirisiti, dị waa yẹ Ikirisiti nịnịị huna avọọ nị.

Ẹwụ nịnị anọrụ ana nyị ọnẹẹ, wee sì ịrẹyị ose ewu nịnị, asị ụ nyị ẹngụrẹyị hi wa nịnị.

Ẹwụ nịnị ezi, ịsa tụra ịsa ọnị ọza ana ma wụ nịnị ọ̀ọ kà a wụ nịnị, waa wụ́ nịnị; agụvị ka ịsị e zé Ohomorihi eyi ọ vị ọnọọ nị.

Ẹwụ nịnị ọnẹẹ ana nyị ọnọrụ, waa ká ịrẹsụ hii yị ọva awụ nịnị anka ọ mẹ̀ vọrọ tụra ọza Ohomorihi.