Popular Bible Verses from ÁLUKA 20

Share

Amáŋ, Óndú ā le cɔ̄nū mla Umósīsi mɛ́mla Árɔ̄ni. Anɔ́ɔ ó kahíníī, “Abɔ̄ aá í kpɔ́tūce ɛlā kú um, cɛ́ɛ́ ká aá mafú ɔfú otīihɔ kú um fú iyɔ̄bū kú ācɛ kú Ísrɛ̄lu ŋ́ mā, aá í gáā kpó uwā ga ipú ajɛ nɛ̄ n cokónu ka n gē je lɛ uwá ā ɛ́ɛ́ gɛ ŋ́.

“Kwú okwutɛ nōo bayi iyɔ̄bū Ikpati kú Ɛka kú Óndú ā ú, cɛ́ɛ́ ká awɔ mɛ́mla Árɔ̄ni kú aá lɛ odúúdu ójila kú ācɛ kú Ísrɛ̄lu ā túbá. Cɛ́ɛ́ ka ikpēyī kú odúúdu uwā kóō má ɔ̄ abɔ́ɔ. Cɛ́ɛ́ kú ā lɛ ɛlā ka lɛ ɛcɔ̄, éŋkpɔ̄ í bɛ̄cɛ ŋmá ipú nū. Ɔwɛ nyā nāa géē bī éŋkpɔ̄ ŋmá ipú ɛcɔ̄ wɛ̄ɛcɛ lɛ ācɛ ā ká uwá mɛ́mla aɛ́bɛ́ ká ɔlɛ́ uwā kéē gwá á.

Anɔ́ɔ Umósīsi je okwutɛ ā gicɔ̄ lɛ ɔ́ fīyɛ̄ ɛcɔ̄ ā igbɛɛpa. Anɔ́ɔ ɔkpá ku éŋkpɔ̄ nɛ̄hi kwú yíla á. Anɔ́ɔ ācɛ mɛ́mla aɛ́bɛ́ kú ɔlɛ́ uwā gbɔɔ́ ō gwá á.”

Umósīsi mɛ́mla Árɔ̄ni le odúúdu ójila kú ācɛ Ísrɛ̄lu ā túbá iyɔ̄bū ɛcɔ̄ ā. Anɔ́ɔ Umósīsi da uwá ka, “á jāhɔ̄, ācɛ o yíkpɛ̄yí olɔfú, alɔ í bī éŋkpɔ̄ wɛ̄ɛcɛ ŋmá ipú ɛcɔ̄ nyā lɛ aá nɛɛ?”