Popular Bible Verses from ÁLUKA 21

Share

Anɔ́ɔ Óndú ā da Umósīsi kahíníī, “Lɛ ɛgwā kú oje udɔ ma, cɛ́ɛ́ a kwú ɔ̄ ú kwu ɔcí icō. Ɔ̄cɛ dúúmā nɛ̄ ɛgwā lɛ ɔ́ kwú, nɛ̄ ó je eyī gicō lɛ ɛgwā kú oje udɔ ā má, ó géē nyatá ŋmá ɛ́fa kú ɛgwā ā.”

Anɔ́ɔ Umósīsi le ɛgwā kú oje udɔ ā ma, anɔ́ɔ ó kwú ɔ̄ ú kwu ɔcí icō á. Anɔ́ɔ ɔ̄cɛ dóódu nɛ̄ ɛgwā le ɔ̄ kwú nɛ̄ ó je eyī gicō lɛ ɛgwā kú oje udɔ ā má, géē nyatá ŋmá ɛ́fa kú ɛgwā ā, cɛ́ɛ́ ó má yēeyī, ó klla gáā kwú ɛ́ɛ́ gɛ ŋ́.

É ka iŋini tū Ɔwɔicō mɛ́mla Umósīsi kahíníī, “Ɔdíyá nɛ̄ aá kpó alɔ bɛ̄cɛ ŋmá Íjīpiti wā í pɛ́ kwú ipú ígbíli ā? Ɔdōlé í yɔ̄ amānyā ŋ́, éŋkpɔ̄ í klla yɔ̄ ŋ́. Alɔ í lé ɔdōlé obɔ̄bí nyā glá ɛ́ɛ́ gɛ ŋ́.”

Anɔ́ɔ Óndú ā le aɛ́gwā obɔ̄bí tɛ̄hɔ̄ gaá gbɔɔ́ ō kwú ācɛ kú Ísrɛ̄lu á. Ácɛ alɛwa kú uwā gbɔɔ́ ō pɛ́ kwú.

Anɔ́ɔ é le pɛ́ ga ɛgiyí Umósīsi gaá da ɔ́ kahíníī, “Alɔ le íne bīya ɛɛ́, alɔ le iŋini ka tū Óndú ā mɛ́mla uwɔ. Gbɔ̄ɔ̄kɔ lɛ Óndú ā kóō kwú ɛgwā nyā ú ŋmá ipú ɔlɛ́ alɔ.” Anɔ́ɔ Umósīsi le ɔkɔ gbā ohígbū ācɛ ā á.