Popular Bible Verses from Səɓəlari 7

Share

Antə MTHLAKU pəla aka Musa, “Wula, I ata namtə nga apa Hyel aka kuthli, antə ɓzərma' nga Haruna ata ndzi apa naɓiyir nga.

Amma I ata hara ka kuthli ni ndzi ka kər ɓəɓalkur. Wala tə I ku jaktə hara seɗayeri kəga surndatayeri akwa tsəɗi Masar, kuthli ni aɗi ata psi thləm ala giri wa. Antə I ata ncantə duni ata kəra Masar atar sənta asar na mwavər ka shariya na mwavər ata kərari. Aghəla nda antə I ata fwaɓəla mjirna, watau mjir Israila kazhar tsəɗi Masar, nyarmbwa ata nyarmbwa.

Antə mjir Masar ata sənda abbər I an MTHLAKU, ma sakatə I ku ɗi mjir Masar, ka fwaɓəla mjir Israila kazhar tsəɗiyir ɗa.”

Antə kuthli ku kəgatə mjirni na ɗəɗu ɗəɗu kəga ɗeaghayeri na akwa Masar, antə da ku hara ɗeaghakur arɗa ka haratə tsu apani. Waskəi akwa nca ɗa ku ndzəndzəhəmta zwalərni, antə zwalayeri ni ku shin ka pwapwayeri. Amma pwapur Haruna ku ndasəmnya pwapwayeri arɗa.

Antə kulini MTHLAKU akwa pəla, ‘Atar su ngəni antə ga ata sənda abbər I an MTHLAKU. Kamnyar kulini I ata tsa yimər Nayil ni ka zwal ngəni akwa tsi ni, antə yimi ni ata palidzi ka ndzi mamshi.

“Ma kuthli ku pəla ala giri, ‘Ncantə giri ali duna tə giri kəgari atar hara surndatayeri,’ ka gə pəla aka Haruna ka tsa kətə zwalərni ka tsa psəmta ata di akəma kuthli ni. Antə zwal ni ata shin ka pwapu.” Antə Musa ka Haruna ku təra mwari adzə kuthli, ka hara kalkal apatə MTHLAKU ku tsawa ala ɗa. Haruna ku psəmta zwalərni ni akəma kuthli kəga kwakunayeri arni, antə zwal ni ku shin ka pwapu.