Popular Bible Verses from Səɓəlari 8

Share

Antə ɗeaghayeri ni ku hara ɗeaghakurər ɗa abbər ka jangkar wutədzi tsuwa, amma da aɗi mzhi wa. Antə jangkarayeri ku pungkərdzi ata kəra mji kəga mwaɓi shang. Antə ɗeaghayeri ni pəla aka kuthli ni abbər, “Diya, dunar Hyel akwa su ngəni.” Amma kuthli ni ku namtə ɗəffari ɓəɓal, antə tsa aɗi psi thləm aka Musa ka Haruna wa, kalkal apatə MTHLAKU pəla.

Aghəla nda antə MTHLAKU pəla aka Musa, “Mwari adzə kuthli kara pəla alari, ‘Zhar ka mjirna təra, ka da ra vəngkər səli ali.

Sakatə kuthli wuta abbər hwambayeri ni ku mtəgəmtadzi antə tsa jaktə hara kər ɓəɓalkur. Tsa aɗi psi thləm aka Musa ka Haruna wa, kalkal apatə MTHLAKU pəla.

Ma ga ku nggəlar ta psi ɗa, I ata ɗi tsəɗiyir nga, I ata hartə shanga tsəɗiyir nga ka hwambayeri.

Antə MTHLAKU pəla aka Musa, “Pəla aka Haruna ka tsa haptə zwalərni ka tsa tsa bərbər di kəgari antə shanga bərbər na akwa Masar ata shin ka jangkar.”

Tsuwa apani antə MTHLAKU ku hara. Tsa thlentə dlamar ciri tə da puvidzi akwa kəyir kuthli, ka kəyir kwakunayeri arni, ka akwa kəlara vəi na akwa tsəɗi Masar. Antə tsəɗi Masar ku hilantədzi kamnyar nggəukur ciri.