Popular Bible Verses from KOLOSSA 3

Share

tu pawhin tu chungah pawh thupawi nei ang ula, indawh tawnin inngaidam tawn ula; Lalpan a ngaidam che u ang tak khân ngaidam ve rawh u.

Chung lama thil awmahte chuan in rilru nghat tlat rawh u, leia thil awmahte chuan nghat lovin.

A rulhna roluah tûr chu Lalpa hnên ata in hmu dâwn tih hriain, in tih apiang chu mihring tân anga ti lovin, Lalpa tân anga ti zâwkin, châk takin ti rawh u; Lalpa Krista rawng in bâwl a nih hi.

Chutichuan, Pathian mi thlan, mi thianghlim leh duh takte angin, lainatna thinlung te, ngilneihna te, inngaihtlâwmna te, thuhnuairawlhna te, dawhtheihna te chuan inthuam rawh u

Krista thu chu finna tinrêngin nangmahniah awm ṭeuh rawh se; fakna hla te, Pathian hla te, thlarau lam hla tea inzirtîrin inzilh tawn ula, thinlungah khawngaihna neiin Pathian chu hla saksak rawh u. Tin, in tih apiang chu thusawiah emaw, thiltihah emaw, ama zârah Pa Pathian hnêna lâwmthu hril chungin, Lalpa Isua hmingin ti vek rawh u.

Tin, chûng zawng zawng chungah chuan hmangaihna inbel rawh u, chu chu phuar famkimna a ni.

Chutichuan, Krista hnênah kaihthawha in awm ve tawh chuan chung lam, Pathian ding lama ṭhu Krista awmnaa thil awmte chu zawng rawh u.

Tin, Krista thlamuanna chuan in thinlungah ro rêl rawh se, chutiang ni tûrin taksa pumkhata koh in ni rêng asin; lâwm nachâng hre bawk rawh u.

Chutichuan, in taksa pêng leia awmte hi tihlum rawh u, inngaihna te, bawlhhlawhna te, hurna te, châkna sual te, duhâmna te hi (duhâmna chu milem biakna a ni si a)

In thi tawh a, in nunna chu Pathianah chuan Krista hnênah thuhrûkin a awm si a.

Tûnah erawh chuan nangni pawhin hêng zawng zawng - tauhna te, thinurna te, huatna te, sawichhiatna te, in kâa chhuak ṭawng zahmawh te hi tibo rawh u.

Dâwt inhrilh tawn suh u; mihring hlui chu a thiltihte chawpin in hlîp thla tawh a, mihring thar chuan in inthuam tawh si a, chu mihring thar chu hriat famkimna nei tûrin, a siamtu anpui anga siam tharin a awm mêk a ni

Pasalte u, in nupuite hmangaih ula, an lakah vîn suh u.

Naupangte u, engkimah in nu leh in pate thu zâwm rawh u, chu chu Lalpaah chuan a lâwmawm si a.

Nupuite u, Lalpaa a âwm tâwk ang zêlin in pasalte hnênah intulût rawh u.