Popular Bible Verses from Proverbs 13

Share

Follow who get sense waka, so dat yu go get sense too; but if yu waka with foolish pipol, na trobol go follow yu.

Doz wey dey kontrol dia tongue go get long life, bikos anyhow word dey distroy tins.

Doz wey nor dey korrect dia shidren, hate dem. But doz wey love dia shidren, dey always korrect dem with love.

Wen wetin pesin hope for nor kwik rish en hand, di heart go sick, but dream wey kom to pass, bi like tree wey dey give life.

Na God dey guide innocent pipol, but na sin dey kontrol wiked pipol.

Money wey pesin play wayo take get kwik-kwik, dey disappear, but di one from hard work dey last forever.

To dey karry body up, dey kause wahala, but doz wey dey take advise, wise well-well.

Good pipol dey leave propaty for dia grand-shidren, but na doz wey dey fear God dey take evritin wey wiked pipol die leave.

Pikin wey get sense dey listin to en papa and mama word, but doz wey dey foolish, nor dey take korreshon.

If yu vex sey pipol dey korrect yu, na poverty and disgrace go end yor life; but dem go honor yu, if yu asept korreshon.