Popular Bible Verses from Proverbs 11

Share

Make yu dey give and yu go prosper; help odas and yu go get help.

Wen pipol give out dia money, dem dey get more; but doz wey nor dey give, nor dey get at-all.

E good to dey honest, but na disgrace go follow proud pipol.

Any nashon wey nor get who dey guide am, go fall, but wen doz wey dey give yu good advise many, yu go prosper.

Raitious pipol fruit bi like tree wey dey give life, but pesin wey dey prish give odas to turn kom meet God, get sense.

Pesin wey dey judge anoda pesin, nor go fit keep sekret, but yu fit trust pesin wey dey tok trut.

Pesin wey good dey gain favor for ensef; but wiked pipol dey bring trobol for diasef.

Doz wey trust dia propaty, go fall like wetin harmattan breeze blow; but raitious pipol go prosper well-well, dem go bi like sun wey dey shine.

Wen God won judge yu, yor money and propaty nor go fit help yu, but na to obey God bi di only tin wey go fit save yor life.

Na trut dey guide yu if yu dey good; but pipol wey dem nor fit trust, na dia own wayo dey distroy dem.

Fine woman wey nor get sense, bi like ring wey dem put for pig nose and mout.

God hate pipol wey dey play wayo, but E dey love doz wey dey do good tins.