Popular Bible Verses from Filippians 4

Share

Make una nor let anytin worry una for mind. Instead, for evry kondishon wey una dey face, make una ask God thru prayer for evritin wey una nid and make una always dey tank am, as una dey pray.

Den God peace wey pass wetin human being fit undastand, go guide una heart and mind, inside Christ.

Finally, my brodas and sistas, tins wey bi true; wey get respet; wey fine; wey pipol dey tok good about; wey good well-well; wey rish to praiz, na dis kind tins una suppose to dey tink about.

I fit do evritin thru Christ wey dey give mi pawa.

Make una always dey happy inside Christ. I dey tok again sey, make una dey happy!

My God go give una evritin wey una nid, bikos of en glory and propaty wey dey inside Jesus Christ.

So anytin wey una learn, hear and si mi dey do, make una dey do dem too. And di God wey dey give us peace, go dey with una.

Make evribody know sey una nor like wahala, bikos Jesus go soon kom.

E get sometaim wey I nor get and sometaim, I dey get plenty. But for evry kondishon, I don learn how to dey okay, weda my belle full or I dey hongry; weda I get plenty or I nor get anytin at-all.

I nor dey tok dis one bikos I nid anytin, but na bikos I don learn to dey okay for any kondishon wey I si mysef.