Popular Bible Verses from Hibru 10

Share

Make wi nor stop to dey meet and fellowship togeda, as some pipol dey do, but make wi enkourage one anoda more-more, since wi know sey, “Di Day wen Christ go kom,” don near.

Make wi always dey tink of how wi go enkourage, love and do good for one anoda.

So make wi whole di hope wey wi get strong well-well, bikos God wey promise us dey always keep en promise.

Una nid to dey patient, so dat una go fit do wetin God wont and den, una go receive en promise.

So make wi draw near God with betta heart and strong faith, bikos God don wosh awa heart and body with klean wota.

So make una always dey strong, bikos una go get betta reward.

If wi kontinue to sin afta God don show us di trut, e nor get any oda sakrifice wey go fit forgive us awa sins again. But wetin wi go dey fear for na di Judgement Day wey dey kom and hell-fire wey go distroy doz wey bi God enemies.