Popular Bible Verses from BaKolosi 3

Share

Nye yin akabɔk na bafidang. Fuut yin bafidang anɛn fɛ́ ba ki nye yin e, kyon tɛ aTisa ki fuut yin ne, anɔng wu fi i da fuut yin bafidang anɛn ba ba.

Te yin àyɛ yin ni nkyɔrɔk fi in se naton, da nkyɔrɔk azatse awo.

Na akaakyɛ fi i da ra yin, nye yin ide ni iyɛ izining, kyɔn ti i tsin ra yin Adakunom me, da anet awe awo.

Nek anɔng, tɛ bayɔng fɛ́ Adakunom mi myak, fɛ́ ba se jɛrɛ, fi iwu ka ba shim makiyi, sot yin bafi nggɔn amushish, bafi itek, ni nhwyɛ, bafi imen ice, nɛ akabɔk.

Won ifɛ̀ Anet-Isheshek di nak ayɛt ayɛ yin makiyi, ni tees ni itabak yin banet ayɛt kutsitsɛng Adakunom. Ras yin Adakunom abom itere, nɛ abom ice, nɛ abom fɛ́ a nes nabik Adakunom, ni itonoso yin ifeng yin na Adakunom itɛrɛk iyɛ yin. Ayɛt kaakye fi i da fɛ̀ yin ke i da nye yin ayi, nye yin kaakye ni iyerek aTisa aYeso, nesek ifeng sak na Ada Adakunom ayit iyerek aYeso.

Ayɛt nkyɔrɔk nang ngma, sok yin ishim aza akaakyɛ, iye fi itoos nshɛrɛp e gyat ngma.

Nek anɔng, ba mi ki donong yin gung nɛ Anet-Isheshek, nabak yin áyɛ yin ni nkyɔrɔk fi in se azanɛn, karɔ fɛ́ Anet-Isheshek di sonong ni bɔk iyak Adakunom.

Won kukyang fi ku nes ne Anet-Isheshek ni ku sot na áyɛ yin, nek ti nkap kurɔm kuzining, ba ki yes yin ni kusot kukyang. Nesek yin ifeng.

Nek anɔng, tun yin nggɔn nzen nfɛ́ azatse ayɛt ayɛ yin, nkyɔrɔk tɛ: kutomong irɔs, nɛ iras nkyɔrɔk imaan e, ni kujang, nɛ aduk nggɔn, nɛ ishim ice, anɔng yet iya nabannom ntong.

Nek ikus yin, kutset yin se ni inɛt ayɛt aKristi, ayɛt Adakunom.

Awɛt yɔkɔnɔng, i se gbingbing ni i won yin nanan, ni iyɛ ife, ni iberese yin banet ni iyɛ, ni itok, ni ncɛɛt abap.

I bi ras yin bafidang mbɔɔs awo, nek imang tun yin nggɔn yɔng fi nse izen, nek iyin mi sok yin nggɔn nfas. Adakunom wu fɛ́ a nye nggɔn nfas e nang fi in se ayɛt yin, a da ya kashon ni nye anɔng, nɔng i da bin sot yin ba fas, i di sok yin nse ayɔng fɛ́ a ki nye yin.

Batek, shim yin banyining yin, i bi ka ba zot yin awo.

Nnon, fok yin ifɛ̀ bada ni binggɔ yin na akaakyɛ, nek anɔng e tɛrɛk aTisa iyɛ.

Banyining, nɔɔk yin ice yin sak na batek yin, nek anɔng e se gyat anu shon aTisa.