ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮