ᕈᒪᓇ 6
6
ᒐᒋ ᓂᐱᒥᑲᒡ ᑕᓐ ᐊᔅᐱᔅ ᑎᐸᔨᒥᑯᔭᐧᒄ ᒥᒋᑥᐅᓐ ᑭᔭ ᙭ ᒐᒋ ᐱᒪᑎᓯᔅᑐᐛᐧᒄ
Romans 6.1-11 (Proper-7 Year A)
1ᐊ ᐃᔅᒋᔄᑦ ᐊᓐ ᐊᐛᓐ ᐊᑯᔅ ᐃᔭᐱᒡ ᒥᒋᑐᑕᑕᐤ ᐊᑐᐎᔅ ᒐᒋ ᓄᑯᑥᑕᐧᒄ ᐊᔅᐱᔅ ᒧᔅ ᐛᔪᒡ ᓱᐛᔨᒪᑦ ᒋᓴᒪᓂᑐᐤ ᐊᐛᔪᐛ᙮ ᒪᐅ ᓂᐸ ᐃᓯ ᐎᑎᒧᐊᐤ ᐊᓐ ᐊᐛᓐ ᐅᔭ ᐊ ᐃᔅᒋᔄᑦ᙮ 2ᓇᒪ ᒋᑭ ᒋ ᐃᓯᓇᑯᓐ ᐅ᙮ ᓇᒪ ᐛᐛᒡ ᒋᐸ ᐅᒋ ᐃᓯ ᒪᒥᑐᓇᔨᑎᒻ ᐊᐛᓐ᙮ ᒋᐸ ᐃᓯ ᑭᓄᐛᐱᒥᓱᓇᓄᐤ ᒧᔭᒻ ᐊᒋ ᓂᐱᔅᑎᒪᐧᒄ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᓇᒪ ᐊᑯ ᒥᒋᑥᐅᓂᒡ ᒋᐸ ᐅᒋ ᐃᓯ ᐱᒪᑎᓯᓇᓄᐤ᙮ 3ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐃᔅᐱ ᑲ ᓯᑲᐃᑐᐛᑯᐅᔭᐧᒄ ᒐᒋ ᐎᒐᐛᐧᒄ ᙭ ᒋᓴᔅ, ᐊᑯᑕ ᑲ ᓄᑯᑕᔭᐧᒄ ᐊᒋ ᐊᓯᒡ ᓂᐱᒥᑲᒋ ᐛᔅᑭᒡ ᒋᑦ ᐃᑕᑎᓯᐅᓄᐛ ᙭ ᑲ ᓂᐸᐊᑭᓄᐅᑦ᙮ 4ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑲ ᓯᑲᐃᑐᐛᑯᐅᔭᐧᒄ ᒧᔭᒻ ᑭᔭ ᒋᔭᓄᐤ ᐊᒋ ᓇᐃᐧᑲᑯᐅᔭᐧᒄ ᑲ ᓇᐃᐧᑯᐛᑭᓄᐅᑦ ᑭᔭ ᑲ ᓂᐸᐊᑭᓄᐅᑦ ᒋᔭᓄᐤ ᑭᔭ ᔅᒋ ᓂᐸᐃᑯᐅᓇᓄᐤ᙮ ᐅ ᒪᒃ ᐛᒋ ᐃᓯᓇᒂᒡ ᐊᐅᒄ ᓇᔅᒡ ᒐᒋ ᐅᔅᒐᔨᑕᒂᒡ ᑕᓐ ᐊ ᐃᓯ ᐱᒪᑎᓯᔭᐧᒄ ᒧᔭᒻ ᑲ ᐃᔅᐱᔅ ᓇᔅᒡ ᐅᔅᒐᔨᑕᑯᓂᔨᒡ ᙭ ᐅᐱᒪᑎᓯᐅᓐ ᑲ ᐅᓂᔅᑲᓂᑯᑦ ᐅᑕᐎᒪᐛ ᐅᒋᔅᑕᔨᑕᑯᓱᐤ ᓱᐧᑲᑎᓯᐅᓂᔨᒡ ᐅᒡ᙮
5ᐊᑯ ᒪᒃ ᐊ ᐎᒐᐛᐧᒄ ᒋᓴᔅ ᐅᓂᐳᐅᓂᒡ ᒋᑦ ᐃᓯᓇᑯᓯᓇᓄᐤ᙮ ᐊᑯᑕ ᐛᒋ ᒐᔅᑎᓇᑕᔨᑕᒂᒡ ᒐ ᐅᓂᔅᑲᓂᑯᐅᔭᐧᒄ ᒧᔭᒻ ᐎᔾ ᐊᒋ ᐅᓂᔅᑲᓇᑭᓄᐅᑦ᙮ 6ᐛᔅ ᒋ ᒋᔅᒐᔨᑕᓇᓄᐤ ᐊᓐ ᐛᔅᑭᒡ ᒋᑦ ᐃᑕᑎᓯᐅᓄᐤ ᐊᒋ ᒋᔅᑕᔎᑕᑭᓄᐅᑦ ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᐊᓂᔭ ᑲ ᒋᔅᑕᔎᑕᑭᓄᐅᑦ ᐊᑯᑕ ᑲ ᓂᓱᐅᓇᑎᓯᒥᑲᒋ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᑭᔭ ᓇᒪ ᓇᔅᒡ ᒋᑭ ᒋ ᑎᐸᔨᒥᑯᓇᓄᐤ ᐊᑯ ᒥᒐᑎᓯᐅᓐ᙮ 7ᐊᐛᓐ ᐊᒋ ᓂᐱᑦ ᓇᒪ ᒋᑭ ᒋ ᑎᐸᔨᒥᑯᐤ ᒥᒐᑎᓯᐅᓂᔪᐤ᙮
8ᐊᓐ ᒪᒃ ᐊᒋ ᓂᐸᑕᑭᓄᐅᒋ ᐛᔅᑭᒡ ᒋᑦ ᐃᑕᑎᓯᐅᓄᐛ ᙭ ᑲ ᓂᐸᐊᑭᓄᐅᑦ, ᒋ ᑕᑈᑕᓇᓄᐤ ᒐᔅᑎᓇᔅ ᐎᔾ ᙭ ᐊᑯ ᒐ ᐱᒪᑎᓯᔅᑐᐛᐧᒄ᙮ 9ᒋ ᒋᔅᒐᔨᑕᓇᓄᐤ ᙭ ᐊᒋ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒋ᙮ ᓇᒪ ᒪᒃ ᒥᓐ ᒋᑭ ᒋ ᓂᐳᐤ᙮ ᓇᒪ ᓂᑕ ᒥᓐ ᒋᑭ ᒋ ᑎᐸᔨᒥᑯᐤ ᓂᐳᐅᓂᔪᐤ᙮ 10ᐛᔅ ᐊᓂᔭ ᑲ ᓂᐱᑦ ᐊᔪᐅᒄ ᐊᓂᔭ ᒥᒄ ᐸᐃᒂᐤ ᑲ ᓂᐱᔅᑎᒧᐛᑦ ᐊᓂᔭᔪᐛ ᐊᐛᔪᐛ ᑲ ᑎᐸᔨᒥᑯᔨᒋ ᒥᒋᑥᐅᓂᔪᐤ᙮ ᐊᑯ ᒪᒃ ᐊᓂᔭ ᐊᓄᒡ ᑲᐤ ᐊ ᐱᒪᑎᓯᑦ, ᐱᒪᑎᓯᐤ ᒐᒋ ᒋᔅᑕᔨᑕᑯᐊᑦ ᒋᓴᒪᓂᑐᐛ᙮
11ᒧᔭᒻ ᐊᐛᓐᒋ ᐊ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ᑭᓄᐛᐱᒥᓱᓇᐛᐤ᙮ ᒋ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ᐎᒐᐅᒪᑯ ᒋᓴᔅ ᙭ᑕ᙮
Romans 6.12-23 (Proper-8 Year A)
12ᐊᑲᐎᔾ ᒪᒃ ᐅᒋ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᐸᔨᒥᑯᔭᒄ ᒋᐱᒪᑎᓯᐅᓄᐛᒡ᙮ 13ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮ 14ᐊᑲᐎᔾ ᐊᑯ ᒋᑭ ᐅᒋ ᑎᐸᔨᒥᑯᓇᐛᐤ ᒥᒐᑎᓯᐅᓐ ᐛᔅ ᑕᐸ ᐊᑯ ᒥᒄ ᐎᓱᐛᐅᓐ ᐊ ᓂᓇᐃᑎᒪᒄ ᒋᑭ ᐅᒋ ᓂᓇᐊᔨᑎᒥᐊᐛᐤ ᒋᓴᒪᓂᑐᐤ᙮ ᐛᔅ ᒋᓴᒪᓂᑐᐤ ᐅᐛᔪᒡ ᓱᐛᔨᒋᒐᐅᓂᒡ ᐊᑯᑕ ᐛᒋ ᐱᒪᒋᐃᑕᒄ᙮
ᑯᐃᔅᑯᑕᑎᓯᐅᓐ ᐊᑯ ᒋᑎᐸᔨᒥᑯᓇᓄᐤ
15ᑕᓐ ᒪᒃ ᒐᒋ ᐃᑎᔭᐧᒄ᙮ ᐃᔭᐱᒡ ᐊ ᒋᑭ ᒥᒋᑐᑕᓇᓄᐤ ᐎ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᐊᑲ ᐎᓱᐛᐅᓐ ᑎᐸᔨᒥᑯᔭᐧᒄ, ᐃᔭᐱᒡ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊ ᐃᓯ ᑭᓄᐛᔨᑕᑯᓯᔭᐧᒄ᙮ ᓇᒪᐎᔾ ᑭᑈ ᐃᓯᓇᑯᓐ ᐅ ᒐᒋ ᐃᑎᔭᐧᒄ᙮ 16ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮
17ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮ 18ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ ᑭᔭ ᑯᐃᔅᑯᑕᑎᓯᐅᓐ ᒂ ᐊᑎ ᑎᐸᔨᒥᑯᔭᒄ᙮
19ᐊᐅᒄ ᐊ ᐃᓯ ᐃᔨᒥᐃᑎᑯᒡ ᐛᔅ ᐊᑯᑕ ᒥᒄ ᒐᒋ ᐅᒋ ᓂᔅᑐᑎᒪᒄ᙮ ᐸᐃᒂᐤ ᔅᒋ ᐃᓯᓇᑯᓯᓇᐛᐤ ᓇᔅᒡ ᐊᒋ ᐱᔅᑎᓂᓱᔭᒄ ᐎᓂᓱᐛᑎᓯᐅᓐ ᒐᒋ ᑎᐸᔨᒥᑯᔭᒄ ᑭᔭ ᔅᒋ ᐱᔅᑎᓂᓱᓇᐛᐤ ᐊᔭᔅᒃ ᒐᒋ ᐊᑎ ᒥᒐᑎᓯᔭᒄ᙮ ᐊᓄᒡ ᒪᒃ ᓇᔅᒡ ᐱᔅᑎᓂᓱᒄ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒧᑕᔭᒄ ᒐᒋ ᐅᒋ ᐸᔭᒋᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮
20ᒪᒂᒡ ᓇᔅᒡ ᑲ ᑎᐸᔨᒥᑯᔭᒄ ᒥᒋᑥᐅᓐ ᓇᒪ ᓇᔅᒡ ᒋ ᐅᒋ ᐱᔅᒐᔨᑕᓇᐛᐤ ᑯᐃᔅᑯᑕᑎᓯᐅᓐ᙮ 21ᑕᓐ ᒪᒃ ᑲ ᐃᓯ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ᐃᑐᑎᒥᓐ᙮ 22ᐊᓄᒡ ᒪᒃ ᐎ, ᔅᒋ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ᑕᑦ ᐊᑯ ᐊ ᐃᓯ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮ 23ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮
Currently Selected:
ᕈᒪᓇ 6: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
