1
ᕈᒪᓇ 5:8
ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ
ᓇᔅᑲᐱ
ᒋᓴᒪᓂᑐᐤ ᒪᒃ ᐎᔾ ᓇᔅᒡ ᔅᒋ ᐛᐸᑎᔨᑯᓄᐤ ᑕᓐ ᐊᔅᐱᔅ ᓴᒋᐃᑕᐧᒄ, ᒋ ᐱᔅᑎᓇᐤ ᙭ᑕ ᒐᒋ ᓂᐱᔅᑎᒪᑎᔨᑕᐧᑯ ᐊᔅᒄ ᒪᒂᒡ ᒥᒋᑥᐅᓂᒡ ᐊᒋ ᐃᑕᐛᐧᒄ᙮
Compare
Explore ᕈᒪᓇ 5:8
2
ᕈᒪᓇ 5:5
ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮
Explore ᕈᒪᓇ 5:5
3
ᕈᒪᓇ 5:3-4
ᐊᐅᒄ ᒪᒃ ᐛᒋ ᐃᓯᓇᑯᓯᔭᐧᒄ ᐃᔭᐱᒡ ᐊ ᒧᒋᒐᔨᑎᒪᐧᒄ ᐊᑎ ᐊᓐᑕ ᒪᒂᒡ ᐊ ᐊᔨᒥᐅᔭᐧᒄ, ᐛᔅ ᒋ ᒋᔅᒐᔨᑕᓇᓄᐤ ᐊᓐᑕ ᐊᓐ ᐊ ᐊᔨᒥᐅᔭᐧᒄ ᐊᑯᑕ ᐛᒋ ᐊᑐᐎᔅ ᓱᒐᔨᑕᑯᓯᔭᐧᒄ᙮ ᐊᑯ ᒪᒃ ᐊᓐ ᐊᔭᔅᒃ ᐊ ᓱᒐᔨᑕᑯᓯᔭᐧᒄ ᒋᐱᒪᑎᓯᐅᓇᒡ ᒋᓴᒪᓂᑐᐤ ᓇᐊᔨᑎᒥᐃᑯᐤ᙮ ᐅᔭ ᒪᒃ ᐊ ᐃᓯ ᓇᐊᔨᑎᒪᐧᒄ ᐊᑯᑕ ᐛᒋ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᐅᒋᔅᑕᔨᑕᑯᓱᐅᓐ᙮
Explore ᕈᒪᓇ 5:3-4
4
ᕈᒪᓇ 5:1-2
ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᙭ ᔅᒋ ᐃᑐᑎᒪᑯᓄᐤ ᒧᔅ ᐊᑯ ᒐᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐅᓱᐛᔨᒋᒐᐅᓐ ᒋᐱᒪᑎᓯᐅᓇᒡ᙮ ᐊᑯ ᒪᒃ ᒪᔽᔨᑎᒪᐧᒄ ᐊ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮
Explore ᕈᒪᓇ 5:1-2
5
ᕈᒪᓇ 5:6
ᐛᔅ ᐊᓐᑕ ᒪᒂᒡ ᑲ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ᓂᐱᔅᑎᒪᑕᐧᒄ᙮
Explore ᕈᒪᓇ 5:6
6
ᕈᒪᓇ 5:9
ᐊᔪᐅᒄ ᒪᒃ ᐊ ᑯᐃᔅᑯᑕᑎᓯᔭᐧᒄ ᐛᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᙭ ᐊᒋ ᓂᐱᔅᑎᒪᑕᐧᒄ ᒋᐱᔭᑎᑯᒡ᙮ ᒋ ᒐᔅᑎᓇᑕᔨᑕᓇᓄᐤ ᙭ ᑕᑈ ᒐ ᐎᐧᑯᒋᐃᑕᐧᒄ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐤ ᑎᐸᔅᑯᓂᒐᐅᓂᔨᒡ ᐅᒡ ᒪᔅᑕᔾ ᒋᓯᑲᔨᒐ᙮
Explore ᕈᒪᓇ 5:9
7
ᕈᒪᓇ 5:19
ᐸᐃᒄ ᐊᐛᓐ, ᐊᐅᒄ ᐊᑕᒻ, ᐊᓂᔭ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ ᐊᐅᒄ ᐛᒋ ᒥᓯᐛ ᐊᐛᓐ ᐊᑕᒪᔨᑕᑯᓯᑦ ᐊ ᒥᒐᑎᓯᑦ᙮ ᐊᓐ ᒪᒃ ᑯᑎᒃ, ᐊᐅᒄ ᒋᓴᔅ, ᓇᔅᒡ ᐊᒋ ᓂᓇᐃᑐᐛᑦ ᒋᓴᒪᓂᑐᐛ ᐊᑯᑕ ᐛᒋᐱᔨᒡ ᒥᒐᑦ ᐊᐛᓐ ᐊ ᑯᐃᔅᑯᑕᑎᓯᑦ ᒐᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ᙮
Explore ᕈᒪᓇ 5:19
8
ᕈᒪᓇ 5:11
ᐊᔪᐤ ᒪᒃ ᓇᔅᒡ ᒋ ᒥᔽᔨᑕᓇᓄᐤ ᒋᓴᒪᓂᑐᐤ ᓴᔅ ᐊᒋ ᓇᐃᐱᔨᑕᑦ ᒐᒋ ᒥᔪ ᐎᒐᐛᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮
Explore ᕈᒪᓇ 5:11
Home
Bible
Plans
Videos