Popular Bible Verses from KILAHNA 11

Share

Tua ciengin vantungmi sagina in a pengkul a mut leh vantungah aw ngai mama khat ang ging a, Leitung kumpi gam pen i TOPA ule ama’ Messiah-a’ suoh zo a, ama in kumtawnin uh zing ding hi,” a ci hi.

Minamte a thangpai vua, hinanle na lungthahna ang tung zo ta hi. Misite tunga thukhen ding hun le, na nasem kamsangte, na min a zatah na misiengtho a neu a lien in, patah man pieh ding hun le, leitung a susie mite a kisuhsiet ding hun ang tung zo ta hi,” a ci uhi.

Ka teci nite la-ip puonpi silin ni tulkhat zani le sawmguh sung thugen theina ka pie ding hi,” ei ci hi.

Ahi vangin ni thum le a lang zaw ciengin ama gel sungah Pasien’ hu lutin, a keng-un ang ding vua, tuaci’n ama gel a mu mite a zau mama uhi.

A thugen hun sungun ama gel tungah guo a zuh lo nadingin van a khacip nading thuneina, tuite sisan suosah thei nading thuneina, a dei hunhunun gimna namcin tawh leitung a suhsiet thei nading thuneina kipie hi.

Tua teci nite pen leitung TOPA mai-a a ding oliv singkung nite le meivah tunna nite ahi uhi. Tuale mi khatpo in ama gel a suhsiet nop leh a kam sung panun meikuong pusuohin a galte katum ding a, ama gel susie nuom popo tam bangin kithat ding hi.