Popular Bible Verses from WULANG BEBASAN 16

Share

Sakehing panggawemu pasrahna marang Pangeran Yehuwah, temah sakehe rancanganmu bakal kelakon.

Atine manungsa ngrasak-rasakake dalane, nanging Pangeran Yehuwah kang ngenerake lakune.

Tetembungan kang sedhep iku kaya tala madu, rasane legi tumrap ing ati lan dadi tamba balung.

Manungsa bisa nimbang-nimbang ing sajroning ati, nanging wangsulane ilat iku asale saka Sang Yehuwah.

Wong kang sabar iku ngluwihi pahlawan, wong kang bisa ngereh awake, iku ngluwihi wong kang bisa ngrayud nagara.

Kumenthus iku pepucuking karusakan, lan gumunggung iku pucuking ambruk.

Wong padha ngarani resik marang dalane, manut wawasane dhewe, nanging Pangeran Yehuwah kang ndadar ati.

Sing sapa nggatekake pangandika bakal nemu becik, sarta rahayu wong kang kumandel marang Sang Yehuwah.

Luwih becik pametu sathithik klawan kabeneran, tinimbang pametu akeh tanpa kaadilan.

Ana dalan kang dikira bener dening wong, mangka pungkasane anjog marang pati.

Wong kang culika marakake grejegan, sarta wong kang mitenah iku misahake mitra kenthel.