Popular Bible Verses from WULANG BEBASAN 15

Share

Wangsulan kang sareh nglejarake nepsu, nanging tembung sengak nuwuhake kanepson.

Wedi-asih marang Sang Yehuwah iku pamerdi kang nuntun marang kawicaksanan, lan andhap-asor iku bebukaning kajen.

Ilat kang sareh iku wit panguripan, nanging ilat cidra gawe tatuning ati.

Rancangan bakal ora kelakon, manawa tanpa tetimbangan, nanging bakal kaleksanan manawa dikantheni juru pirembug akeh.

Ati seneng mbingarake polatan, nanging ati kang sedhih ngendhokake semangat.

Tingale Pangeran Yehuwah iku nyrambahi ing saenggon-enggon, nguningani wong ala lan wong becik.

Luwih becik barang sathithik kang dikantheni wedi-asih marang Pangeran Yehuwah, tinimbang karo kasugihan akeh kang dikantheni sumelang.

Wong brangasan marakake grejegan, nanging wong sabar ngendhakake para padu.

Atine wong bener nimbang-nimbang wangsulane, nanging cangkeme wong duraka mbludag piala.