Popular Bible Verses from WULANG BEBASAN 14

Share

Ana dalan kang dikira lenceng dening wong, mangka wekasane anjog marang ing pati.

Ati kang sareh iku nyegerake awak, nanging watak drengki iku ngroposake balung.

Wong kang sabar iku gedhe pangretene, nanging wong kang gampang nepsu iku nggedhekake kabodhoan.

Wong wadon kang wicaksana iku mbangun omahe, nanging kang bodho ngrubuhake omahe klawan tangane dhewe.

Ing sajroning wedi-asih marang Sang Yehuwah iku tinemu katentreman kang gedhe, malah Pangeran Yehuwah iya dadi pangayoman tumrap para putrane.

Wedi-asih marang Sang Yehuwah iku sumbering urip, temah wong ora kena ing jireting pati.

Wong wicaksana iku ngati-ati lan nyingkiri piala, nanging wong gemblung nguja karepe sarta rumangsa tentrem.