Popular Bible Verses from WULANG BEBASAN 11

Share

Sing sapa kerep andum berkah, bakal nampani kaluberan, sing sapa aweh ngombe, bakal diwenehi ngombe.

Ana kang ngawut-awut bandhane, nanging saya sugih, lan ana kang kumet banget, ewasamono tansah kekurangan.

Samangsa piangkuh teka, pamoyok uga nututi, nanging kawicaksanan dumunung ana ing wong kang lembah manah.

Yen tanpa pemimpin, bangsa ambruk, nanging manawa juru pirembug akeh banjur ana katentreman.

Pituwase wong bener iku wit panguripan, sarta sapa kang wicaksana iku bisa narik atine wong.

Sing sapa nenacad, iku ngeler wewadi, nanging wong setya nutupi prakara.

Wong kang ambek darma mbeciki awake dhewe, nanging kang ambek siya iku niksa awake dhewe.

Sing sapa ngandelake marang kasugihane bakal ambruk, nanging wong bener bakal semi kaya godhong enom.

Samangsa bebendu teka, kasugihan ora migunani, nanging kabeneran ngluwari saka ing pati.

Wong kang jujur iku katuntun dening katemenane, nanging wong cidra iku dirusak dening culikane.

Kayadene anting-anting emas ana ing congoring babi, iya kaya mangkono iku wong wadon ayu kang ora susila.

Traju kang cidra iku kasengitan dening Sang Yehuwah, nanging watu timbangan kang trep ndadekake keparenge.