Popular Bible Verses from WULANG BEBASAN 10

Share

Berkahe Pangeran Yehuwah iku kang nyugihake, ora bakal diwuwuhi dening rekasane dhewe.

Kang akeh guneme iku mesthi ana panerake, nanging kang mekak lambene iku kadunungan akal-budi.

Sengit marakake grejegan, katresnan nasabi sakehe panerak.

Tangan kang kendho marakake mlarat, nanging tangane wong sregep iku ndadekake sugih.

Sapa kang nampani pamerdi iku ngener marang ing dalaning urip, nanging kang nglirwakake marang pameleh iku kesasar.

Sing sapa resik kalakuane iku tentrem lakune, nanging kang tumindak mlinthat-mlinthut, bakal konangan.

Wedi-asih marang Sang Yehuwah iku ndawakake umur, nanging taun-taune wong duraka iku dicendhakake.

Sang Yehuwah ora negakake wong bener nandhang keluwen, nanging pepenginane wong duraka ditampik.

Manawa katempuh ing lesus, wong duraka sirna, nanging wong bener iku tetales kang langgeng.