Popular Bible Verses from प्रस्थान 16

Share

इस्राएलीमैंइ चमैंने बिइ, “ङि मिश्रर याहवेहए योउँइँले सिस्याँ छ्याँब तमल। तलेबिस्याँ ङि चर ह्‍योबै भाँडोए कारग्युले क्हुँसि से नेरो अरू चबै सैमैं म्रेंन्ले चल् योंमल। दिलेया क्हेमैंइ ङि ताँन् फोतेंन् सैबर क्यु आयोंबै क्ल्ह्‍योर पखइमुँ।” छबिमा याहवेहजी मोशाने बिइ, “क्हेमैंए ल्हागिर ङइ स्वर्गउँइँले क्हें कुल्मिंब्मुँ। म्हिमैं त्हिंइ ह्रोंसे बैरु ह्‍यासि तिगैंर्बै छो योल्‍ले मत्‍त्रे खुरिगे। ङइ बिबै ताँ चमैंइ ङिमना उ आङिंमना बिसि ङइ जाँच लब्मुँ।

चर फेखमा ताँन् म्हिमैं मोशा नेरो हारूनने गनगन लबर होंइ।

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

“इस्राएलीमैं गन गन लब ङइ थेइमुँ। क्हेमैंइ ङेसर से चल् योंब्मुँ, धै न्हाँगर क्हें म्रेंन्ले चल् योंब्मुँ। छले चल् योंमा ङ क्हेमैंए याहवेह परमेश्‍वर ग बिसि क्हेमैंइ सेब्मुँ।”