Popular Bible Verses from प्रस्थान 15

Share

खीजी बिइ, “क्हेमैंइ ङए ताँ छेनाले थेसि ङइ बिबै ताँन् ताँमैं नेरो ङए ठिममैं म्हाँदिइ बिस्याँ, ङइ मिश्रीमैं फिर कुलब् धों तबै नब-छबमैं घ्रि या क्हेमैंए फिर कुलरिब् आरे, तलेबिस्याँ क्हेमैं सल् लबै याहवेह ङन् ग।”

याहवेहन् ङए शक्‍ति ग, ङलाइ जोगेमिंब खीन् ग, छतसि ङ खीलाइ क्वे प्रिंब्मुँ। खी ङए परमेश्‍वर ग, ङ खीए सेवा लब्मुँ, खी ङए खेमैंए परमेश्‍वर ग, ङ खीए मिं थेब् लब्मुँ।

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

झाइले मारा बिबै क्ल्ह्‍योर त्होंखबै लिउँइँ चमैंइ मारार्बै क्यु थुँल् आखाँ, तलेबिस्याँ चर्बै क्यु काँब मुँल। (छतसि चए मिं मारा (काँब) तइ। छतसि म्हिमैंइ “ङि तो थुँब?” बिसि मोशाने गनगन लबर होंइ। छतमा मोशाइ याहवेह परमेश्‍वरने प्राथना लमा याहवेहजी चने सिंए म्हुँडा घ्रि उँइँमिंइ, धै चइ सिंए म्हुँडा क्युर झोंमा क्यु लिंब तइ। याहवेहजी च क्ल्ह्‍योर्न चमैंए छ्ह थोबै ल्हागिर ठिममैं पिंसि चर्न खीजी चमैंए जाँच लइ।