Popular Bible Verses from १ कोरिन्थी 11

Share

छलेन क्हें चल् खाँबै लिउँइँ प्रभुजी प्‍हेला छेसि बिइ, “चु प्‍हेला ङए कोर मुँबै छारा बाछा ग। चु बाछार ङए कोइ छाप झोंइमुँ। ङ मैंबै ल्हागिर चु क्‍हेमैंइ थुँब्रें लद्।” छले चु क्‍हें चमा, चु प्‍हेलाउँइँले थुँमा प्रभु आयुन् समा क्‍हेमैंइ प्रभु सिबै बारेर आगुलाइ उँइँमिंब्रें लब्मुँ।

तलेबिस्याँ प्रभुजी ङने लोमिंबै ताँमैंन् क्हेमैंलाज्यै या ङइ लोमिंइमुँ। खीलाइ क्हाबै म्‍हुँइँसर खीजी क्‍हें छेइ, झाइले परमेश्‍वरलाइ धन्‍यबाद पिंसि क्‍हें लुँसि छ बिइ, “चु क्‍हें क्‍हेमैंए ल्हागिर ङए ज्यु ग। ङलाइ मैंबै ल्हागिर चब्रें लद्।”

छतसि ताँन् म्‍हिमैंइ ओंसों “ङ प्रभु भोज चबर लायकबै मुँ उ आरे?” बिसि ह्रोंसइन ह्रोंसलाइ जाँचेरिगे। च लिउँइँ मत्‍त्रे क्‍हें चरिगे धै प्‍हेलाउँइँले थुँरिगे। तलेबिस्याँ प्रभुए ज्यु कति थेबै सै जा बिसि छेनाले आक्होल्‍लेन् खाबइ क्‍हें चमुँ, प्‍हेलाउँइँले थुँमुँ चइ ह्रोंसए फिर्न दण्ड पखब्मुँ।

छतसि खाबइ आगुए सैं फो नल् लसेया च ताँमैं आक्ह्रिल्‍लेन् चु क्‍हें चमुँ, धै चु प्‍हेलाउँइँले थुँम् बिस्याँ, प्रभुए ज्यु नेरो को तो धोंइ आङ्हाँन्ले चबइले प्रभुए उँइँर च म्‍हि दोषि तब्‍मुँ।

छतसि ख्रीष्‍टजी लब् धोंलेन् ङइ लइमुँ, क्‍हेमैंज्‍यै या ङइ लब् धोंलेन् लद्।