Popular Bible Verses from ໂຢ​ຊູ​ວາ 6

Share

ຕສ໊ຽວ ກ໊ອງ ບົ໋ວ ໂຢ​ຊູ​ວາ, “ໝັ່ງ ມ່າະ! ເຢຍ ຕສູ໊ງ ເຕສ໊າະ ເຢ​ລີ​ໂຄ ຕສີ້ງ, ລ່ຽມ ຕສີ້ງ ເຍີຍ ຮູ່ງ ເຕ໋ຍ ເຖສົາ ເຮ້ນ ໄຫ່ ເຍີຍ ແປງ, ຈິວ ປຸນ ເມີ່ຍ ໝີ່ ອ໊ະ.

ນິ່ນ ບົວ ປຢົ໊ມ ຈອງ ເຍີຍ ເຖຈຍ ດ໊າວ ວົ້ວ ຕສັ່ນ, ເມີ່ຍ ບົວ ຢ໊ຽດ ໄຮ໌ ນໍ, ຕສວັ໋ງ ແປະ ຝີງ ອ໋ອຍ ຕສຸ ເອຈ່ຍ ທຈະ ເຫ່ວ ບຸຍ. ຕສີ້ງ ຫລາດ ຕສ່ຽວ ບາງ ເອຈ່ຍ ເດສ່ງ. ເກ໊າະ-ມ່ຽນ ອ໋ອຍ ຕສຸ ຢຽມ ເກ໊າະ-ມ່ຽນ ເຍີຍ ຕ໋ອງ ແປງ ຕສະ ເປັຍ ຕສີ້ງ.”

ເມີ່ຍ ບົວ ເຍີຍ ຕສວັ໋ງ ແປງ ອ໋ອຍ ຕສຸ ຮວີງ ວົ້ວ ນອມ ຕສີ້ງ, ຢຽດ ຮນອຍ ຢຽດ ດສ໋ວນ. ອ໋ອຍ ຕສຸ ຮນັ້ງ ນ້າຍ ນໍ ໂຕສ໋ວ ປວັ໊ງ ຈຸ໊ ຮນອຍ.

ປຸນ ເສ່ຍ ເຕົ້າ ໄຊ ມ່ຽນ ນັ້ນ ຈ໊ຽນ ເສ່ຍ ນອມ ປະກີ ຢູ້ງ ຈອງ ມີ່ງ ດ່າງ ແລ໌ງ ແຫງ່ງ ຫວ່າ ຟາງ ເຖົາ ເສ່ຍ ຮນອຍ ວົ້ວ ຮນອຍ, ເມີ່ຍ ບົວ ອ໋ອຍ ຕສຸ ຮວີງ ເຢ​ລີ​ໂຄ ຕສີ້ງ ເສ່ຍ ດສ໋ວນ, ຢ່າ ປຸນ ໄຊ ມ່ຽນ ປຢົ໊ມ ຈ໊ຽນ ຈອງ ມີ່ງ.

ຫລາຍ ອິ​ສະ​ລາ​ເອນ ມ່ຽນ, ເຢ​ລີ​ໂຄ ຕສີ້ງ ເຍີຍ ມ່ຽນ ກວນ ຈ໊ຽນ ຕສີ້ງ ແກ້ງ. ໄມ້ ມ່າຍ ຫາຍ ເຕົ້າ ໄຮ່ ເປັຍ ທສວດ.

ຮວີງ ເຖົາ ຕະທສຽດ ດສ໋ວນ, ໄຊ ມ່ຽນ ປຢົ໊ມ ປະກີ ຢູ້ງ ຈອງ ເຍີຍ ຕສຢັ້ງ ໂຫ່, ໂຢ​ຊູ​ວາ ບົ໋ວ ແປະ ຝີງ, “ເຫ່ວ ອ໊ະ! ເຫວີ່ຍ ຕສຸ ຕສ໊ຽວ ເຕສ໊າະ ນ້າຍ ນອມ ຕສີ້ງ ຈິວ ປຸນ ເມີ່ຍ ບົວ ໝີ່ ອ໊ະ.

ນ້າຍ ນອມ ຕສີ້ງ ເຖສົາ ຢຽມ ຕສີ້ງ ກະຍົ໌ວ ເຍີຍ ຫຍູ່ງໆ ກະນ້າຍ ອ໋ອຍ ຕສຸ ໝຽດ ເດສ່ງ ເຫວີ່ຍ ຝູງ ຕັ໋ງ ປຸນ ຕສ໊ຽວ. ຂູງ ເສຍ ທສວດ ໝ່າຍ ປ໊ວນ-ຊິນ ວົ້ວ ເຕົ້າ ມເຊັຍ ຕອນ, ລາ​ຫັບ, ເຖສົາ ຢຽມ ນິ່ນ ເຍີຍ ເປຢົ໊າ ກະຍົ໌ວ ເຍີຍ ມ່ຽນ ເຍີຍ ແໝ່ງ ຮນັ້ງ, ເຫວີ່ຍ ຕສຸ ລາ​ຫັບ ເຖງ ປີ໋ງ ບົວ ພ້າຍ ມີ່ງ ທສ້າຍ ຈົ໊ວະ ເຍີຍ ມ່ຽນ.