Popular Bible Verses from Spricha 3

Share

Vetru oppem Harn met dienem gaunzem Hoat, un stett die nich opp dienem Vestaunt. Erkjan am opp aul diene Wäaj, un hee woat jlikj moaken diene Stiej.

Sie nich weis en diene Uagen, fercht däm Harn un bliew wajch vom Beesen

Iea däm Harn von dienem Vemäajen un von aul dienem Ieeschten Ennkomen; soo woaren diene Spikjasch sikj fellen met Äwafluss, un diene Krucken vom Wien äwaranen.

Jnod un Woarheit muchten die nich veloten; binj dee om dien Hauls, schriew dee opp de Tofel en dienem Hoat

Mien Sän, velot nich de Zucht Gottes, un lot die siene Zucht nich vedrisse. Dan wäm de Har leeft, däm zuchtijt hee, un zwoa aus een Voda däm Sän, aun däm hee Wooljefaulen haft.

Mien Sän, vejat nich miene Belierunk, un dien Hoat bewoa miene Jebooten. Dan de Lenj de Doag un Joaren vom Läwen un Fräd woaren see die vemieren.

Jlekjseelich dee Mensch, dee Weisheit jefungen haft, un de Mensch, dee Vestentnis erlangt! Dan äa Jewenst es bäta aus de Jewenst von Selwa, un äa Jewenst bäta aus fienet Golt; kostboara es see aus Parlen, un aules, waut du die wenschen muchst, es met äa em Wieet nich to vejlikjen.

Hool kjeen Goodet däm trigj, däm daut tookjemt, wan daut enne Macht diene Henj steit, daut to doonen.

De Har haft derch Weisheit de Ieed jejrind, un derch Ensecht de Himmel faustjestalt.