Popular Bible Verses from Spricha 2

Share

Dan de Har jeft Weisheit; ut sienem Mul komen Erkjantnis un Vestentnis.

Mien Sän, wan du miene Räd aunnemst un miene Jebooten bie die bewoascht, soo daut dien Ua opp Weisheit moakje latst, dien Hoat neijst too Vestentnis; jo, wan du däm Vestaunt roopst, diene Stemm erhäfst toom Vestentnis; wan du am sieekjst aus Selwa, un aus no veborjnem Schauz am noforschst: Dan woascht du de Forcht Gottes vestonen un de Erkjantnis Gottes finjen.

Hee bewoat kluaken Rot (daut Heil) opp fa dee Opprechtje, hee es een Schild fa dän, dee en Vollkomenheit waundlen; endäm hee de Stiej vom Rajcht un däm Wajch siene Fromme bewoat.

Dan de Opprechtje woaren daut Launt bewonen, un de Vollkomne doa äwabliewen; oba de Jesazloose woaren ut däm Launt utjerot, un de Truloose woaren doarut wajchjeräten.

om die von de framde Fru to raden, von de Framde, dee äare Wieed glaut moakt; dee däm Vetruden äare Jugent velat un däm Bunt von äarem Gott vejat.