Popular Bible Verses from Jesaja 54

Share

Kjeenem sien Jewäa, daut jäajen die jemoakt woat, saul daut jelinjen; un jiedre Tung, dee ver Jerecht jäajen die oppsteit, woascht du schuldich spräakjen. Daut es daut Oawgoot de Kjnajchts Gottes un von mie ut äare Jerajchtichkjeit, sajcht de Har.

Dan de Boaj muchten veschwinjen un de Aunboaj waklen, oba miene Jnod woat nich von die aufgonen un mien Frädensbunt nich waklen, sajcht de Har, dien Erboarma.

Forcht die nich, dan du woascht nich beschämt woaren, un schäm die nich, dan du woascht nich too Schaund woaren; sonda du woascht de Schmach von diene Jugent vejäten un de Schaund daut du Wätfru wieescht nich mea jedenkjen.

Dan dee die jemoakt haft, es dien Maun, - Gott de Häaschoa es sien Nomen - un de Heilja Israels es dien Erleesa: Hee woat dee Gott de gaunze Ieed jenant woaren.

Moak däm Rum en dienem Zelt wiet, un breed de Behenjen (Zeltdakjen) en diene Woninj ut; spoa nich! Moak diene Strenj lank, un diene Pols stäakj faust nenn!

Un aule diene Kjinja woaren vom Harn jelieet, un de Fräd von diene Kjinja woat groot sennen.

em Oaja ha ekj eenen Uagenblekj mien Aunjesecht ver die vestoaken, oba met eewje Jnod woa ekj mie äwa die erboarmen, sajcht de Har, dien Erleesa.

Eenen kjlienen Uagenblekj ha ekj die veloten, oba met grootem Erboarmen well ekj die saumlen

Dan dit saul mie sennen aus daut Wota Noah, aus ekj schwua, daut daut Wota Noah de Ieed nich mea äwaschwamen sellen; soo ha ekj jeschwuaren, daut ekj nich mea äwa die oajalich, noch die schellen woa.

un ekj moak diene Däakja (Fensta) ut Rubin un diene Dooasch von Karfunkel un aule diene Jrensen von wieetvollen Steena.