Popular Bible Verses from Jesaja 55

Share

Dan miene Jedanken sent nich june Jedanken, un june Wäaj sent nich miene Wäaj, sajcht de Har.

Dan soo aus de Himmel hecha es aus de Ieed, soo sent miene Wäaj hecha aus june Wäaj un miene Jedanken aus june Jedanken.

Sieekjt däm Harn, soolang hee sikj finjen lat; roopt am aun, soolang hee dichtbie es.

De Gottloosa velat sienen Wajch un de Maun vom Onheil siene Jedanken; un hee dreit om nom Harn, no onsem Gott, soo woat hee sikj äwa am erboarmen, dan hee es rikj aun Vejäwunk.

Loos, jie aule Darschtje, komt nodäm Wota; un dee jie kjeen Jelt ha, komt, kjeept en un ät! Jo, komt, kjeept onen Jelt un emsonst Wien un Malkj!

Dan soo aus de Räajen un de Schnee vom Himmel rauffelt un nich doahan trigjjeit, hee haft de Ieed jedrenkjt un befrucht un dee lat ut, un däm Seimaun Sot jejäft un Broot däm Ätenden: Aulsoo woat mien Wuat sennen, daut ut mienem Mul jeit: Daut woat nich ladich trigjkomen, sonda daut woat utrechten, waut mie jefällt, un derchfieren, toowaut ekj daut jeschekjt ha.

Dan en Freid woa jie utgonen un en Fräd jeleit woaren; de Boaj un de Aunboaj woaren ver junt en Jubel utbräakjen, un de Beem oppem Flekj woaren en de Henj klautsche

Neijt jun Ua un komt no mie; hieet, un june Seel woat läwen. Un ekj well eenen eewjen Bunt met junt schluten: De jewesse Jnod von David.