Popular Bible Verses from Jesaja 44

Share

Dan ekj woa Wota jeeten opp daut Darschtje, un Streem opp daut Drieeje; ekj woa mienen Jeist utjeeten opp dienen Somen, un mien Säajen opp diene Nokomen.

Soo sajcht de Har, de Kjennich Israels un sien Erleesa, Gott de Häaschoa: Ekj sie de Ieeschta un sie de Latzta, un buta mie es kjeen Gott.

Ekj ha diene Äwaträdungen jetiljt aus eenen Näwel, un aus eene Wolkj diene Sinden. Drei no mie om, dan ekj ha die erleest!

Enjst junt nich un zettat nich! Ha ekj die daut nich ver lange Tiet hieren loten un die vekjindicht? Un jie sent miene Zeijen. Jeft daut eenen Gott buta mie? Un daut jeft kjeenen Fels, ekj weet kjeenen.

Soo sajcht de Har, dee die jemoakt un vom Muttalief aun die jeschaufen haft, dee die halpt: Enjst die nich, mien Kjnajcht Jakob, un du, Jeschurun (Rajchtschaufna), däm ekj erwält ha.