Popular Bible Verses from Jesaja 45

Share

un ekj woa die vestoakne Schaza un vestoakne Rikjdoms jäwen, om daut du weetst, daut ekj de Har sie, dee die bie dienem Nomen jeroopen haft, de Gott Israels.

Ekj, ekj woa ver die häa gonen un woa de Hindanise jlikj moaken; de koppane Dooasch woa ekj vebräakjen un iesane Rijel veschlonen

ekj sie de Har, un sest es kjeena, buta mie es kjeen Gott; ekj ha die omjebungen, un du kjansd mie nich: - Om daut maun weet vom Oppgank de Sonn un vom äarem Unjagank häa, daut buta mie goa kjeena es. Ekj sie de HAR, un sest es kjeena!

Dee ekj daut Licht moak un de Diestanis schauf, däm Fräd moak un daut Onjlekj schauf; ekj, de Har, sie daut, dee dit aules moakt.

Dreit junt no mie un woat jerat, jie aule Enj de Ieed! Dan ekj sie Gott, un sest kjeena.

Soo sajcht de Har to sienem Jesaulwden, to Kierus, däm siene Rajchte ekj jefot ha, om Nazionen ver am doltoschmieten, un doamet ekj de Lenden de Kjennichs opmoaken woa, om ver am Puaten optomoaken, un doamet de Dooasch (Däaren) nich veschloten bliewen.

Ekj ha bie mie selfst jeschwuaren, ut mienem Mul es een Wuat en Jerajchtichkjeit väajekomen, un daut woat nich trigjjenomen woaren, daut jiedret Kjnee sikj ver mie bieejen, jiedre Tung mie schwieren woat.

Om Jakob, mienem Kjnajcht, un Israel, mienem Utjewälden, wellen, roopt ekj die bie dienem Nomen, ekj jeef die eenen Bienomen (Eanome), un du kjansd mie nich