Popular Bible Verses from Jesaja 42

Share

Ekj, Gott, ekj ha die jeroopt en Jerajchtichkjeit un naum die aune Haunt; un ekj woa die bewoaren un die toom Bunt fa daut Volkj saten, toom Licht de Nazionen: Om blinje Uagen optomoaken, om Jefangne ut däm Kjarkja ruttofieren, un ut däm Jefenkjnis, dee enne Diestanis setten.

Ekj sie de HAR, daut es mien Nomen; un miene Iea jäw ekj kjeenem aundren, noch mien Riem de jeschnizte Bilda.

Kjikj, mien Kjnajcht, däm ekj unjastät, mien Uterwälta, aun däm miene Seel Wooljefaulen haft: Ekj ha mienem Jeist opp am jelajcht, hee woat de Nazionen daut Rajcht toweeten loten.

Daut ennjekjnekjte Rua woat hee nich vebräakjen, un de jlieejende Dacht woat hee nich utlaschen; hee woat no de Woarheit daut Rajcht toweeten loten. Hee woat nich meed woaren noch dolsinkje, bat hee daut Rajcht oppe Ieed jejrindet haft; un de Inslen woaren opp siene Lia luaren.

Un ekj well de Blinje opp eenem Wajch fieren, däm see nich kjanen; opp Stiej, dee see nich kjanen, well ekj an gonen loten; de Diestanis ver an well ekj toom Licht moaken, un daut Puckelje too Jlikjet. Daut sent de Dinj, dee ekj doonen un nich loten woa.

Daut Frieejre, kjikj, daut es passieed, un ekj vekjindj Nieet; ea daut väakjemt, lot ekj junt daut hieren.