Popular Bible Verses from Jesaja 41

Share

enjst die nich, dan ekj sie met die; kjikj nich enjstlich omhäa, dan ekj sie dien Gott; ekj stoakj die, jo, ekj halp die, jo, ekj stett die met de Rajchte miene Jerajchtichkjeit.

Dan ekj, de Har, dien Gott, fot die aun diene rajchte Haunt, dee ekj to die saj: Enjst die nich, ekj halp die!

Kjikj, daut sellen beschämt un to Schaund woaren aule, dee jäajen die oajalich sent; daut sellen tonuscht woaren un omkomen diene Jäajna.

du, däm ekj jejräpen aune Enj de Ieed un von äare wiede Jäajenden häa jeroopen ha, un to dän ekj säd: Du best mien Kjnajcht, ekj ha die erwält un nich veschmäten

Du woascht an sieekjen un nich finjen, dee Mana, dee met die zanke; aus nuscht un tonuscht sellen de Mana woaren, dee die bekjamfen.

Enjst die nich, du Worm Jakob, du Hupkje Israel; ekj halp die, sajcht de Har, un dien Erleesa es de Heilja Israels.

Oba du, Israel, mien Kjnajcht, Jakob, däm ekj utjewält ha, Abraham sienem Somen, mienem Frint

Ekj woa Streem väakomen loten opp de kole Hechten, un Kjwalen enne Medd de Läachten; ekj woa de Wieste toom Wotastroom moaken, un daut drieeje Launt too Wotakjwalen.

De Älendje un de Oame, dee no Wota sieekjen, un kjeent es doa, dee äare Tung fa Darscht vedrieecht: Ekj, de Har, woa an erhieren, ekj, de Gott Israel, woa an nich veloten.

Wäa haft daut jewirkjt un jedonen? Dee de Jeschlajchta von Aunfank jeroopt. Ekj, de Har, sie de Ieeschta, un bie de Latste sie ekj deeselwja.

Ekj woa Zeeda enne Wieste, Akozjebeem, Myrte un Eeljbeem, woa opp de Stapen Ziepressen, Platane un Buchsbeem metenaunda saten; doamet see seenen un erkjanen un to Hoaten nämen un aula toop vestonen, daut de Haunt Gottes dit jedonen haft un de Heilja Israel daut jeschaufen haft.