Popular Bible Verses from 1. Mose 37

Share

Un Josef haud eenen Droom un deeld am siene Breeda met; un see hausten am noch mea.

Un Israel leewd Josef mea aus aule siene Säns, wiels hee de Sän von sienem Ella wia; un hee muak am eenen langen Rock.

Un aus siene Breeda sagen, daut äa Voda am gooda wia aus aule siene Breeda, doa hausten see am un wullen am nich mea jreessen.

Un hee haud noch eenen aundren Droom un hee vetald am siene Breeda un säd: Kjikj, noch eenen Droom ha ekj jehaut, un kjikj, de Sonn un de Mon un 11 Stierns bekjten sikj ver mie dol.

Un siene Breeda wieren opp am aufjenstich; oba sien Voda behilt daut Wuat.

Un hee säd to an: Hieet doch disem Droom, däm ekj jehaut ha: Kjikj, wie bungen Goawen oppem Flekj, un kjikj, miene Goaw recht sikj opp un bleef jlikj stonen; un kjikj, june Goawen kaumen runtom un bekjten sikj ver miene Goaw.

Soo komt un lot ons am ombrinjen un am en eene de Kule schmieten, un wie wellen sajen: Een beeset Tia haft am jefräten; un wie woaren seenen, waut ut siene Dreem woat.

Aus de midianitische Mana, de Haundelslied, vebie kaumen, doa holden see Josef ut de Kul nohecht un vekoften Josef aun de Ismaelita fa 20 Selwaschekel; un see brochten Josef no Ägipten.

Un see säden eena toom aundren: Kjikj, doa kjemt jan Dreema!

Un see sagen am von wiet auf; un ea hee noda kaum, doa plonden see jäajen am eenen Aunschlach, am omtobrinjen.

Un Ruben säd to an: Vejeet nich Bloot; schmiet am en dise Kul, dee enne Wieste es, un lajcht nich Haunt aun am - om daut hee am ut äare Haunt raden kunn, om am wada no sienem Voda to brinjen.