Popular Bible Verses from 1 San Juan 4

Share

Ema temunara'i wa'i tipikaima'i. Taicha eta yatupikene vemunaraiwa takaerajika'i eta vipikakarasirawana, taicha eta vipikakarasirawa tiama'aviyare taye'e eta ekuñaraki. Eta taka'e te natiari'ipuka ena tipikakararakawanacha'a, ena wicha'a narata'a naemunara'i'ini yatupina'ini.

Nuchichanavechichana, eti machicha'e ema Viya, eti ekapakechaipa ena naenana tepiya'ira'iana, taicha ena tawa'aka'e eti ema tapajupanawa'i titupajijiapanawa'i maye'e ema tiavi'a te juka apake'e.

Víti vémunaka'i ema Viya taicha ema matiwa'i témunaka'avi.

Nuparapenaveana némunakasareana, takamunu eta vémunakaka wámutu, taicha ema Viya tímituka'avi'i eta vémunasirakakaya. Vimutu viti vémunakaka'i, étapa tímereucha'avi'i eta makachichaira'avi'i ema Viya, yátupi'i eta vímatira'i ema.

Énasera ena nani wa'i témunakakana, wa'i náimati'ini ema Viya, taicha ema Viya, yátupikene'i eta máemunaraiwa.

Eta vemunaraiwa ani taka'e: vítisera wa'i vitíwaina'ini vémunaka ema Viya, matiwa'i ema témunaka'avi'i, eta máemunasira'avi ema Viya, máijarareka'i ema Machicha, mawaneka'i tépenayare te crusu étavene eta makaepa'airayare eta vipekaturana.

Nuparapenaveana némunakasareana, máetaviucha eta máemunasira'avi ema Viya, eta taka'eyare eta vemunasirakakaina.

Ema Viya, tímecha'avi'ipa eta máemunasira'avi'i, eta mawanesira'i ema makarichukene Machicha, mawaneka'i títeka te juka apake'e, tíjaraka'aviyare eta vítaresirayare máichekuarakirenapa.

Te narari'ipuka ena naka'e'i: “Viti vémunaka ema Viya”; tasi'asera nakatichaichucha ena nachamuriana, ena tépiya'ira'iana'i. Taicha náima'anenipuka ena nachamuriana, wá'isera náemunaka'ini, ene taka'e'i eta namaemunasira'i ema Viya máima'asikene'i.

Namutu nákani timatiana eta émaira'i ema Viákenu Jesús, eta emaira'i ema machicha ema Viya, tási'a, tímatikareana'i ena, máwa'aruana'i ema Viya, étapa eta náwa'asira'i ema.

Eta juka eta mawanairipi'i viye'e ema viákenu Jesucristo: ema temunaka'i ema Viya, éneichuware maemunakayare ena machamuriana.

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti. Eta juka eta ímatiarayare ena máwa'aruana ema Machanewa Viya: te naka'e'ipuka: Ema Jesucristo yátupikene'i achane eta máuchusira'i.

Énasera ena apamuriana, te náñaucha'ipuka eta yátupira'i achane ema Jesucristo, wa'i mawaneruanaina ema Viya. Enapa tikaye'eana ema machanewa ema anticristo, taicha eti echaipa eta maitesirayare. Tiuri, puítiichu narari'ipa ani viye'e.