Popular Bible Verses from 1 San Juan 3

Share

Nuchichanavechichana, vémunakakachucha vikajikaka eta vikaye'ekeneana, wá'iware vikuepiya'ira'i eta vémunasirakakaira'i, wa'i takukarichu eta véchejiriruwa.

Ema Jesucristo tímecha'avi'i eta máemunasira'avi'i, taicha tíjarakawa'i tépena vítivene'i, tási'a víti, te jákani táichararakawa, tituparaka'avi víjarakawayare vépena énavene ena vichamuriana, vímechiraya eta vémunasirakaka'i.

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.

Te marari'i ema mákani achane tikaima'akene'i, te wa'i achanesamurena'i maye'e ema machamuri eta makaiju'era'i, ema maka wá'iware máemunaka'ini ema Viya.

Te visuapa eta mawanairipiana, viáwa'aka'i ema, énerichuware ema tiáwa'aka'aviya, vécha'i eta matiari'ira'i ema Viya eta viye'e, máicha ema Machanewa Viya mawaneru'i ema.

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.

Étara, eta juka vimetaka'e'i, te tépanawainapa eta ekasiñaira'i ema Viya, eta mawaraira'i eta vémunasirakakayare.

Nuparapenaveana, éneichuware puiti narari'iya ena achaneana tikaticha'eanayare eti apana. Wá'isera ekuarami eta juka.